111MAL

		\| Ymseposten \| Mål og middel \| B okinnsynet \| Privaten \| Lesarbrev \|

Olav Nygard-minne i Oslo

Diktaren Olav Nygard er gravlagd på Østre Aker kyrkjegard. Då han døydde i 1924, hadde han og huslyden budd eit års tid på Bryn i Østre Aker.

Enkja Rakel Nygard (fødd Tvedt) døydde i 1979. Sonen Sigurd (1916-1935) ligg òg gravlagd på Østre Aker kyrkjegard. Éin gravstein har namna åt Olav og Rakel, ein annan har namnet åt Sigurd. Nokre år no har Bergljot Tvedt, brordotter hennar Rakel, sytt for blomar og stell på gravene. Det fortener ho takk for! Modalen kommune har i år teke på seg ansvaret for festeavgifta for grava åt Olav Nygard.

Ein veg på Ulsrud i Oslo fekk namnet Olav Nygards veg i 1962. Merk: Vegen heiter Olav Nygards VEG til liks med Tor Jonssons veg i same stroket. Det er i Olav Nygards veg vi finn høghuset med ei versline frå Nygard-diktsamlinga «Ved vebande» på veggen: «No kvil deg, fot; no hev du vunne fram».

Mellom Nygard-minne her i byen kan ein òg nemne brev etter Olav Nygard på Nasjonalbiblioteket, Handskriftsamlinga.

Av Gudmund Harildstad

Lagt ut på nettet 18. januar 2002