Eg heiter Jon Peder Vestad, er fødd i 1963 og bur og arbeider i Volda på Sunnmøre. Oppveksten min har eg frå Gausdal og Molde. Eg er tilsett som lektor i mediespråk ved Høgskulen i Volda, men for tida har eg eit treårig stipend for å forsle på nynorsk etermediespråk. Arbeidsstaden min er den same som eg utdanna meg til radiojournalist ved, - skulen heitte da Møre og Romsdal Distriktshøgskule. 
       Elles har eg tysk grunnfag og  hovudfag i nordisk språk og litteratur frå Universitetet i Oslo. Som journalist har eg mellom anna arbeidd i NRK radio (Etter skuletid, Ungdommens radioavis, Nattradioen) og i "TV2 hjelper deg". Sia hausten 1995 har eg vore tilsett ved Avdeling for mediefag på Høgskulen i Volda, og her forskar eg og underviser i  språk i media. I mitt tilfelle vil det seia alt frå rettskriving og kroppspråk, stemmebruk og sjangerlære, til språkteori og kjønns- og maktsida ved språk.
       Eg er sambuar med Heidrun (f 1968), og vi har to kattar. På fritida liker eg å lesa, pusle i hagen og følgje med i det som skjer både i lokalsamfunnet og i media. Eg er veldig oppteken av små språksamfunn, fordi eg synst det er godt gjort å halde på språket og dyrke kulturen som hører til språket i ei tid der inntrykka frå media er så sterke. Talemål (dialektar, sosiolektar) opptek meg au, særleg ordforråd fascinerer meg.
        Det eg liker å lesa, er romanar som fangar meg. Forfattarar som har skrivi slike bøker er Hermann Hesse (Siddharta m fl) , Knut Hamsun (Mysterier, Victoria m fl), Tarjei Vesaas (Fuglane, novellene), Gunnar Staalesen (alt!), Sigrid Undset (Jenny), Edvard Hoem (Ave Eva m fl), Lars Amund Vaage (Dra meg opp - korfor er ikkje boka filma?) og Isabel Allende.
        Musikksmak? Beatles er størst, deretter kjem Pink Floyd. Andre eg liker er til dømes Enya, Vamp, Loreena McKennitt, 10CC, ELO (Electric Light Orchestra), Enigma, Langsomt mot nord, Jan Garbarek, Arild Andersen, Leonard Cohen, Chris DeBurgh, Vamp, Simon & Garfunkel og tjukt av 60-talsmusikk.
Bilde ser du her:  Det får vera nok om meg. Dersom du vil sende meg nokre ord, er adressa jpv@hivolda.no