Institutt for kommunalfag tilbyr ei rekke ulike fagtilbod, anten som del av ei grunnutdanning eller som vidareutdanning /mastergradsstudium. Dette omfattar:
Grunnutdanningar:
- Samfunnsvitskap (1 år - 20 vekttal; ev.som deltidsstudium over 2 år)
- Samfunnsplanlegging (2 år - 40 vekttal); Høgskulekandidat i samfunnsplanlegging
- Kommunal planlegging og administrasjon (3 år -60 vekttal); Kommunalkandidat
Vidareutdanning- og mastergradsstudium:
Undervisninga går over to semester; haust og vår:
• Kommunal leiing
• Kriminalitetsforebygging
• Lokal planlegging og Agenda 21
• Livsløpsperspektiv i planlegginga
• Offentleg organisering og leiing
• Regional planlegging og utvikling
• Integrasjonsmodul med mastergradsoppgåve
Dei fem første er valfrie og dei to siste er obligatoriske i Mastergradsstudiet i samfunnsplanlegging (40 vt.).
Grunnutdanningane
Eit fleksibelt studieopplegg: Grunnutdanningane har tverrfagleg profil. Det første året inneheld ei innføring i ulike samfunnsfaglege emne. Det andre og tredje året inneber i større grad fagleg fordjuping og spesialisering. Studiet er modulbasert og fleksibelt. Studentane kan velje mellom eit treårig,toårig eller eittårig
studium, sjå studiemodell. Det eittårige studiet i samfunnsvitskap er identisk med første året av det treårige Kommunalkandidatstudiet. Det toårige studiet i
samfunnsplanlegging kan også byggast ut til treårig Kommunalkandidat. Dei ulike fagmodulane vil samla sett eller i kombinasjon med andre studium kunne inngå som del av studieløyper fram mot cand.mag.-grad og mastergrad.
Studia ved instituttet høver både for heiltids-og deltidsstudentar. Instituttet har samarbeidsavtalar med andre universitet og høgskular som opnar for ulike typar innpassingar for våre kandidatar med tanke på vidare studieløp.
Kommunalfag 1- Årsstudium i samfunnsvitskap, 20 vekttal
Formål
Her set vi fokus på samspelet mellom lokalsamfunnet og storsamfunnet. Studiet gir ei brei innføring i samfunnsvitskap.
Innhald
Undervisninga omfattar fire femvekttalskurs: Sosiologi, Stats- og kommunalkunnskap, Økonomi og Samfunnsgeografi.
Arbeidsformer
Undervisninga går parallelt over to semester og vert avslutta med skriftlege eksamenar. Det vert arrangert ein skriftleg prøveeksamen i slutten av haustsemesteret. Faga vert integrerte i den tverrfaglege og obligatoriske lokalsamfunnsanalysen i vårsemesteret.
Årsstudiet i samfunnsvitskap kan også takast på deltid over to år. For perioden 1999-2001 vert dette undervisningstilbodet gjennomført med samlingar i Kristiansund. Neste opptak til det fleksible årsstudiet vil verte hausten 2001. Undervisninga inneber samlingar,oppgåveskriving og rettleiing.
Kommunalfag 2 - Påbygging til toårig studium i samfunnsplanlegging
Formål, innhald og arbeidsmåte
IHer vert søkjelyset retta mot kommunen som samfunn og organisasjon. Det tredje semestret inneheld to femvekttalskurs som begge vert avslutta med
eksamen ved slutten av semestret. Det fjerde semestret inneheld eit femvekttalskurs i offentleg forvaltningsarbeid og eit kurs i prosjektdesign og metodeval. Dette metodekurset er ein integrert del av tre månader praksis med praksisrapport eller prosjektoppgåve (5 vekttal).
Kompetanse
Kommunalfag 1 og Kommunalfag 2 utgjer til saman det toårige studiet i samfunnsplanlegging. Studiet skal først og fremst gi studentane ei brei innføring i
samfunnsplanlegging og forståing av kommunal verksemd med tanke på vidare studium og spesialisering, men kvalifiserer også studentane for
sakshandsamaroppgåver i offentleg sektor.
Kommunalfag 3 - Påbygging til treårig Kommunalkandidatstudium
Formål
I Kommunalfag 3 set vi forholdet mellom lokale, regionale og globale utfordringar i fokus. Gjennom presentasjon og bearbeiding av relevante omgrep, teoriar,
modellar og forskingsresultat skal studentane dette året få hjelp til å aktivisere eigne erfaringar, og til å utvikle prosesskompetanse til å vere leiarar eller sekretærar for lokalt, kommunalt og regionalt plan- og utviklingsarbeid. Det vert lagt vekt på å knytte samanhengar mellom den formidla kunnskapen
og dei konkrete utfordringane som offentleg sektor står overfor i dag, og deltakarane vert stimulerte til å reflektere over kva dette betyr for dei.
Innhald
Kommunalfag 3 inneheld tivekttalskurset Lokal planlegging og Agenda 21. Kurset rettar merksemda mot miljøutfordringane samfunnet er stilt overfor, både
lokalt og globalt,og vi ser på korleis lokal planlegging kan nyttast i høve til slike utfordringar. Femvekttalskurset i forvaltningsrett gir innsikt i det rettslege grunnlaget for forvaltninga sine aktivitetar på ulike forvaltningsnivå.I løpet av studieåret skal det òg skrivast ei kandidatoppgåve som saman med eit kurs i prosjektdesign og metodeval gir 5 vekttal.
Kompetanse
Denne påbygginga gjer kandidatane skikka til å arbeide med plan-og utviklingsarbeid på ulike nivå i den offentlege forvaltninga. Kommunalfag 1, 2 og 3 er
eit integrert tre-årig studium som gir retten til tittelen Kommunalkandidat. For dei som ønskjer å studere vidare,gir denne utdanninga mellom anna høve til
å søkje om opptak til mastergradsstudiet i samfunnsplanlegging ved Høgskulen i Volda.
Opptak til grunnutdanningane
Student ar kan t akast opp direkte til Kommunalfag 2 dersom dei kan dokumentere kunnskap tilsvarande pensumet for Kommunalfag 1, og det er ledige
plassar.Student ar kan t akast opp direkte til Kommunalfag 3 dersom dei kan dokumentere kunnskap tilsvarande pensumet for Kommunalfag 1 og 2, og det
er ledige plassar.
Vidareutdannings-og mastergradsstudium
Valfridom og fagleg fordjuping
Høgskulen tilbyr fleire tivekttalsmodular som aktuelle etter-og vidareutdanningar. Dei kan takast kvar for seg eller setjast saman til eittårig vidareutdanning,eller
til eit toårig-mastergradsstudium i samfunnsplanlegging. Undervisninga er organisert slik at modulane eignar seg både for heiltidsstudentar og
deltidsstudentar. Det inneber at kvar modul har fem til seks vekesamlingar og med høve til sjølvstudium og rettleiing gjennom telefon, brev eller e-post mellom samlingane.
Kommunalfag 4
Formål,innhald og arbeidsmåte
Denne vidareutdanninga er ein del av høgskulen si satsing på leiarutdanning.Vidareutdanninga er sett saman av tivekttalsmodulane Offentleg organisering og leiing og Kommunal leiing, og utgjer til saman 20 vekttal. Ved opptaket vert det lagt vekt på å settje saman ei gruppe studentar med ulik utdanningsbakgrunn og praksiserfaring.
Kompetanse
Vidareutdanninga gir deltakarane eit høgt fagleg kunnskapsnivå i kommunal organisering.
Mastergrad i samfunnsplanlegging
Formål,innhald og arbeidsmåte
Høgskulen i Volda har fått godkjenning frå departementet om å tilby eit mastergradstudium i samfunnsplanlegging, førebels som ei prøveordning. Dette er
ei toårig yrkesrett a vidareutdanning for folk med minimum tre år høgare utdanning. Studiet er på 40 vekttal og er samansett av fire tivekttalsmodular. To av
modulane er obligatoriske og to er valfrie. Studiet gir eit teoretisk fundament og ei kritisk forst åing av metodar for plan- og utviklingsarbeid i samfunn og organisasjonar. Denne utdanninga kan t akast på heiltid eller deltid..
Regional planlegging og utvikling - Obligatorisk fellesmodul i samfunnsplanlegging
Hovudmålet med denne modulen er å gi studentane eit felles teoretisk grunnlag som basis for dei andre modulane som inngår i mastergradsstudiet.Her er eit kjernepensum i samfunnsplanlegging med vekt på lokalt, kommunalt og regionalt plan-og utviklingsarbeid.
Obligatorisk integrasjonsmodul med masteroppgåve
Målet med denne modulen er å gi studentane vitskapsteoretisk og metodisk innsikt i forskingsog utgreiingsarbeid som grunnlag for utarbeiding av
masteroppgåva, som er ein integrert del av denne modulen. Det vert lagt vekt på at studentane skal nytte ulike teoretiske perspektiv og omgrep
til å drøfte problemstillingar frå praksisfeltet.
Valfrie modular
Det er her høve til å velje frå ein meny av førehandsgodkjende fagmodular, eller å søkje om å få godkjent andre modular frå høgskular og universitet i inn-og utland. Fagmodular som skal inngå i graden, må vere på minst ti vekttal og vere på mastergradsnivå. Høgskulane kan setje sperre mot einskilde modular dersom det er fagleg overlapping mellom dei. Tilbodet av modular vil kunne variere frå år til år. Aktuelle valfrie modular vedHøgskulen i Volda er::
-Offentleg organisering og leiing
-Kommunal leiing
-Lokal planlegging og Agenda 21
-Kriminalitetsforebygging
-Livsløpsperspektiv i planlegginga
Kompetanse
Mastergradsutdanninga kan danne grunnlag for vidare doktorgradsstudium.
Opptak
Ved opptak til mastergradsmodulane vert det skild mellom tre opptaksgrupper.
Nettbaserte studietilbod
Meir omtale finn du under Etter-og vidareutdanning på heimesida vår.
|Tilbake til studietilbod
|Til HVO si heimeside
For WWW: -pab2001