Husbanken har laga ei kort og instruktiv orientering om universelt utforma bustader. Stoffet ligg føre i elektronisk form og er eit tilbod som alle kommunane i landet kan leggje ut på heimesidene sine.

Universell utforming må bli vektlagt tidleg i planlegginga sidan utforminga kan løysast på mange måtar. Husbanken kan vise til nokre omsyn som må bli tatt, forslag til konkrete tiltak, samt nokre eksempel på gode løysingar.

I tillegg til lånefinansiering kan Husbanken bidra med kunnskapsformidling og -utvikling. Vi deltek i fleire samarbeidsprosjekt innan temaet universell utforming.

Informasjonsprogrammet for universell utforming er eit samarbeidsprosjekt mellom Husbanken og Statens bygningstekniske etat.