Tilsyn med institusjonane i verdipapirmarknaden

Det overordna målet for regulering og tilsynsverksemd er å bidra til at verdipapirmarknaden fungerer godt som kapitalkjelde for næringslivet og investeringsverksemda. I tillegg til å ha tilsyn med dei konsesjonsregulerte føretaka i verdipapirmarknaden, blir det ført tilsyn med at dei generelle åtferdsreglane i marknaden blir haldne.

Tilsynet med føretak gjeld institusjonar med løyve til å drive verksemd etter lov om verdipapirhandel, lov om verdipapirfond, lov om registrering av finansielle instrument og lov om børsvirksomhet. Viktige tilsynsområde er den finansielle stillinga og drifta til aktørane og verksemdsreglane.

Kredittilsynet har òg utgreiings- og forvaltingsoppgåver, medrekna informasjons- og opplysningstiltak.

I 2006 omfatta tilsynet desse institusjonane:

85 verdipapirføretak
23 forvaltningsselskap for verdipapirfond
3 oppgjerssentralar
Verdipapirsentralen (VPS)
2 børsar
1 autorisert marknadsplass

Kredittilsynets register gir oversikt over hvilke føretak som er under tilsyn.