|
Nato-styrke til Bergen
Etter å ha delteke på marineøvinga Flotex Silver 2006, skal Nato sin ståande mineryddarstyrke SNMCMG1 besøke Bergen denne helga.
Av Andreas Steinnes Bjerknes, Sjøforsvaret
| | VED BRYGGEN: Nato sin ståande mineryddarstyrke SNMCMG1 ligg denne helga til kai i Bergen |
- Vi opplevde ganske vilt vær under transiten frå Nord-Noreg, fortel nestkommanderandre på KNM Hinnøy, løytnant Thomas Sanden. Ei stund hadde vi middelvind på mellom 30 og 40 knop, med heile 75 knop i kasta, held Sanden fram.
KNM Hinnøy overtok den faste norske plassen i den ståande Nato mineryddarstyrken frå KNM Rauma 7. november. KNM Hinnøy skal inngå som det norske bidraget i styrken i seks månadar. Dei siste vekene har fartya i SNMCMG1 delteke i marineøvinga Flotex Silver.
Opne skip
- Vi håpar flest mogeleg vil ta turen innom fartya når vi ligg til kai ved Bryggen i Bergen, fortel Thorstein Pütger, presse og informasjonsoffiser for Nato-styrken. Publikum kan mellom anna komme om bord på farty frå Nederland, Tyskland, Storbritannia, Danmark, Litauen og norske KNM Hinnøy.
| | OPNE SKIP: Publikum er velkomne ombord på dei forskjellige fartya som ligg til kai denne helga. |
Mandag reiser minerydderstyrken vidare mot Stavanger. KNM Hinnøy skal innom Haakonsvern for enkelte reparasjonar, men vil halde fram mot Stavanger mandag ettermiddag. Neste helg vil minerydderstyrken besøke Oslo, før mannskapet på KNM Hinnøy skal ha juleferie frå 15. desember.
|
|
