|
- Perfekt for Kystvakta
- Mykje av øvinga går ut på å drive suverenitetshevding i eigne farvatn og det er også det som er vår hovudoppgåve i Kystvakta, fortel skipssjef på KV Andenes, Stein Olav Hagalid.
| | BORDING: Mannskapet på KV Andenes byrjar å verte profesjonelle på bording |
Av Andreas Bjerknes, Sjøforsvaret
KV Andenes deltek under Noble Mariner som flaggskip for sjefen for Kysteskadren, flaggkommandør Håkon Tronstad, som leiar motstandarane til Nato under øvinga.
I følgje skipssjefen er mange av øvingane under Noble Mariner svært nyttige for besetninga også i den daglege Kystvakt-tenesten.
- Bording er særs aktuelt for oss, seier Hagalid. Vi byrjar å verte profesjonelle når det gjeld bording, med nytt utstyr og konsept tilpassa våre oppgåver i Kystvakta, og di fleire bordingsøvingar vi har, di betre kan vi verte.
Andre utfordringar
Vanlegvis brukar Kystvakta berre to inspektørar under bording og inspeksjon av farty, men skipssjefen fortel at Noble Mariner gir flott trening med fulle bordingslag.
I tillegg til bording, får også Kystvaktfartyet øve på eksternt havari, slep, oljeforureining og søk og redning.
- Noble Mariner treff Kystvakta midt i smørauget, då mykje av øvinga er naturlege delar av Kystvakt-tenesta.
Samtidig får vi bryne oss på andre utfordringar som luftvern, anti-undervassbåt, formasjonskøyring og påfylling av drivstoff til havs, (Replenishement at sea, RAS), fortel Hagalid.
Spelar på kvarandre
Dette er oppgåver fartyet vanlegvis ikkje utfører og Hagalid fortel at det difor er ei kjempeflott utfordring for mannskapet.
| | NØGD: Hagalid er nøgd med Noble Mariner, som har mykje innhald som kan relaterast ti ldte daglege KV-arbeidet. |
- Det er ein del av handverket vi skal meistre på sjøen og difor er Noble Mariner ei viktig øving for oss, seier orlogskapteinen.
Dei nye utfordringane for Kystvakt-fartyet er typiske krigsstridsoperasjonar, noko som er meir vanleg for marinerfarty. Samarbeidet mellom Norwegian Task Group (NoTG) og KV Andenes gjer at ein har meir kompetanse og kan spele på kvarandre for å løyse fleire oppgåver.
- Medan vi har kompetanse innan Kystvaktarbeid og inngåande kunnskap om til dømes FN sin Havrettstraktat, tjener vi på at NoTG har stor kunnskap om krigsstridsoperasjonar og liknande, fortel Hagalid.
- Dette er ein vinn-vinn situasjon for begge partar, avsluttar skipssjefen.
|
|
