Steinen som kjem frå 24 ulike kommunar i landet skal utgjera eit monument over dei falne i Shetlandsgjengen under 2. verdenskrig.
Fredag 30. august fekk skipsjef Ingebrigt Storebø overlevert stein frå kommunane sør for Bergen. Skøyta M/K Helan har alt levert stein frå 12 kommunar nord for Bergen.
Byråd for service, utvikling og tekniske tjenester Nils Arild Johnsen (Sp) frå Bergen hadde møtt opp på kaien for levera stein frå Bergen. Ordførar Albrigt Sangolt (H) frå Sund kommune hadde og tatt turen til Haakonsvern for å sjå til at sundsteinen kom vel om bord.
KV Voldstad Jr vil overlevera steinen på Shetland til neste helg. 21. juni 2003 vert det avduking av monumentet som vert plassert i Scalloway.
