|
Språkkurs i pashto og dari
Forsvaret startar utdanning av eiget språkpersonell til norske styrker i Afghanistan. Dette er ein viktig ressurs for å ha nær kontakt med lokalbefolkninga og for å syte for styrkebeskytting for Forsvaret sitt personell.
Av Frank Rosvoll, Forsvarets mediesenter
| | TOLKING: Forsvaret har funne det naudsynt å utdanne eigne tolkar. Foto: Forsvaret. |
Søknadsfrist:
15. april 2007
Kursstart:
6. august 2007
I Afghanistan blir det hovudsakleg snakka to språk: pashto og dari. Dari nyttes av 50 prosent av befolkninga og har hovudtyngde i nord og vest. Pashto, som nyttes av 40 prosent av befolkninga, brer seg hovudsakleg over aust-, sør- og sørvestdelen av landet.
Stor etterspurnad
Fram til no har Forsvaret nytta seg av lokale tolkar og andre ressursar i møte med lokalbefolkninga. Etterspurnaden etter personell som er utdanna av Forsvaret i Noreg, har vore stor. For å imøtekome dette behovet startar Forsvarets skolesenter eit reint språkkurs i pashto og eit reint språkkurs i dari.
| | TO HOVUDSPRÅK: Pashto og dari nyttast av det store fleirtalet i Afghanistan. |
60 veker
Utdanninga startar 6. august i år. Kurset held fram i omlag 60 veker. Elevane vil bli uteksaminert 3. oktober 2008. Etterpå vil dei bli fordelt til Forsvaret sine avdelingar og sendt til Afghanistan som språkoperatørar. Forsvaret vil rekruttere både internt og eksternt, det blir gjeve løn under utdannelsen, og det vil bli pliktteneste.
Godt språkøre
Kurset er krevande, og dei aktuelle kandidatane må ha det vi kallar eit ”godt språkøre”. At ein lyt trivast med og kunne lære språk snøgt, er òg naudsynt. Meir detaljert informasjon om utdanninga, søknadsfrist og liknande vil bli publisert innan kort tid.
|
|
