|
Vurderte ikkje verneplikta
Utvalet for fleire kvinner i Forsvaret valde å ikkje sjå på spørsmålet om kjønnsnøytral verneplikt under arbeidet med moglege tiltak som kan auke talet på kvinner i Forsvaret.
Av Frank Rosvoll og Torbjørn Kjosvold, Forsvarets mediesenter
| | LEIA UTVALET: Utvalet, leia av oberst Britt Brestrup, kjem med forslag til tiltak for å auke talet på kvinner i Forsvaret. |
I rapporten peikar utvalet sjølv på dagens vernepliktsordning som hovudforklaring for den skakke kjønnsfordelinga i Forsvaret.
I samandraget til rapporten står følgjande å lese:
”Å oppheve denne forskjellsbehandling av menn og kvinner må derfor antas å medføre en langt jevnere kjønnsfordeling i Forsvaret i framtiden. Kjønnsnøytral verneplikt vil i utgangspunktet sikre et bredere rekrutteringsgrunnlag til GBU (grunnleggende befalsutdanning, red. anm.) og senere GOU (grunnleggende offisersutdanning, red. anm.), og dermed høyst sannsynlig føre til at flere jenter opptas ved disse skolene. Tilsynelatende er derfor forslag om en kjønnsnøytral verneplikt svært godt når en kun tar hensyn til utvalgets mandat. Imidlertid vil en ordning med kjønnsnøytral verneplikt ha en rekke andre konsekvenser som utvalget verken har funnet grunnlag for å utrede i sitt mandat, eller hatt tid eller ressurser til å utrede.”
| | VARSLAR ORDSKIFTE: – Vi må vere viljuge til å ta ordskiftet om kjønnsnøytral verneplikt, sa statsråden då ho mottok rapporten frå utvalsleiaren. |
Hurtigtiltak
Utvalet har i staden konsentrert seg om tiltak som kan settast i verk i løpet av ein eittårs periode og gje resultat i løpet av tre til fire år. Kjønnsnøytral verneplikt er eit så omfattande tiltak at det ligg utanfor dette tidsaspektet, vert det sagt i rapporten. Likevel seier utvalet at det må være heilt klart at ein målsetjing på 50/50 i Forsvarets personellsamansetning vil krevje eit tilnærma 50/50 grunnlag i rekrutteringsmassen.
Ordskifte om verneplikta i kjømda
– Det er ikkje tvil om at ein kjønnsnøytral verneplikt mest vil kunne bidra til å rekruttere fleire kvinner til Forsvaret, men utvalet har kome til at det er viktig å evaluere mellom anna ordninga med frivillig sesjon for jenter for å sjå korleis det kan virke inn på situasjonen, seier oberst Britt Brestrup, leiar for utvalet.
Til våren skal det leggjast fram ei stortingsmelding om kvinner i Forsvaret.
– Vi må vere viljuge til å ta ordskiftet om ein kjønnsnøytral verneplikt, sa statsråd Anne-Grete Strøm-Erichsen då ho mottok rapporten av Britt Brestrup.
|
|
