|
– No er vi klare
FERROL: Mandag overtok Sjøforsvaret KNM Roald Amundsen, den andre fregatten i Nansen-klassa. – Heilt ubeskriveleg, seier ein rørt skipssjef, Hans Petter Midttun.
Av Thomas Gramstad og Torbjørn Kjosvold (foto), Forsvarets mediesenter
| | OVERVAR OVERTAKINGA: Generalinspektøren for Sjøforsvaret, kontreadmiral Jan Eirik Finseth (t.h.) overvar overtakinga av den nye fregatten. Her saman med sjefen for fregattvåpenet, kommandør Bjørn Egenberg (t.v.) og skipssjef, kommandørkaptein Hans Petter Midttun. |
– Gratulerer med dagen. Eg vil takke dykk for ein fremragande innsats. No skal dykk vise kva Sjøforsvaret duger til, sa generalinspektøren for Sjøforsvaret, kontreadmiral Jan Eirik Finseth til mannskapet på det nye skipet. Med det hadde Sjøforsvaret offisielt teke over fregatt nummer to.
Kvalitet til sjøs
Ifølgje kontreadmiral Finseth markerer overtakinga av den andre av i alt fem nye fregattar ei heving av kvaliteten på Sjøforsvaret.
– Dette er ein viktig dag for nasjonen. Denne og dei andre fregattane vil spele ei heilt sentral rolle på det tryggleikspolitiske området. Skipa skal verne om dei enorme verdiene Noreg har langs kysten og på havet. Dei vil òg bidra i internasjonale operasjonar det vert forventa at Noreg tek del i. Fregattane skal altså segle heime og ute – i den rekkefølga, streker generalinspektøren under.
Men før KNM Roald Amundsen kan reise ut for å forsvare norske interessar, må ein rekkje brikker falle på plass. Skipet skal gjennom ein del testar og mannskapet må få opplærling i bruken av dei ulike systema om bord.
Eit samansett system
KNM Roald Amundsen er, i likskap med Fridtjof Nansen, eit topp moderne skip tilpassa norske krav. For leiaren av fregattprosjektet, kommandør Nils Andreas Stensønes, er det stort å sjå at det andre skipet omsider vert overlevert Forsvaret. Og arbeidet med den førre fregatten har vore ein viktig lærepenge.
– Ein del smådetaljar er blitt forbedra på dette skipet. Men den store skilnaden er at KNM Roald Amundsen er utstyrt med kommunikasjonssystemet Link 16, slik at skipet mellom anna kan kontrollere jagarfly, seier Stensønes.
| | STOLT: Ein tydeleg stolt skipssjef Hans Petter Midttun framfor mannskapet på KNM Roald Amundsen. – Ein heilt ubeskriveleg oppleving, seier han om dagens storhending. |
Nansen-klassa er altså eit kampsystem som, forutan sjølve skipene, består av seks NH-90-helikopter. Alle fregattane skal vere fullt operative innan 2010/2011. Ein periode med testar og opplærling til trass, skipssjefen og mannskapet hans er klare til dyst:
– No er vi endeleg klare. Eg ser verkeleg fram til første dagen på sjøen, seier kommandørkaptein Midttun forventningsfullt.
|
|
