|
Framtidas sjøforsvar
– I 2012 vil vi ha Europa sin mest moderne marine og kystvakt, uttalte generalinspektør for Sjøforsvaret, kontreadmiral Jan Eirik Finseth, i eit foredrag i Oslo Militære Samfund måndag.
Av Ommund Liland, presse- og informasjonsavdelinga i Forsvarsstaben, og Marius Knutsen (foto), Forsvarets mediesenter
| | FRAMTIDA I SIKTE: generalinspektør for Sjøforsvaret, kontreadmiral Jan Eirik Finseth, snakka blant anna om utfordringane i Nordområda. |
Måndag var det tradisjonen tru samla til foredrag i Oslo Militære Samfund. Kveldens foredragshaldar var generalinspektør for Sjøforsvaret, kontreadmiral Jan Eirik Finseth. Han haldt foredraget ”Status og utfordringar i Sjøforsvaret”. Blant tilhøyrarane var både kronprins Haakon og forsvarssjef Sverre Diesen.
Nordområda
Finseth la stor vekt på utfordringane som møter Sjøforsvaret i nordområda. Han trakk fram at havet med olje- og gassutvinning, fiskeri og sjøfart utgjer ein betydeleg del av Noreg si verdiskaping.
– Ekspertar meinar at det ligg store reservar av fossile energikjelder i nordområda. Dette gjer nordområda til eit strategisk viktig område for nasjonar også utan direkte geografisk tilknyting til vårt nærområde, poengterte Finseth.
Generalinspektøren fortalde at i løpet av dei neste ti til tjue åra vil det bli ein aukande aktivitet i nord. Klimaendringane og eit aukande energibehov speler inn når kappløpet om nord for alvor startar. Opning av nye sjøruter gjennom nordvest- og nordaustpassasjen vil i tillegg til strategiske ressursar, auka dei militære utfordringane i området.
Nytt utstyr
Finseth kom også inn på dei nye MTB-ane og fregattane.
– Desse nye fartøya vil bli utstyrt med den nyaste og beste våpenteknologien på marknaden. Dette er nødvendig for å kunna løysa framtidige oppdrag på ein betre måte, slo kontreadmiralen fast.
Med dei nye fartya ser Finseth at det er ei større behov for ein profesjonalisering i Sjøforsvaret sjølv om han framleis meiner fundamentet i Forsvaret ligg i verneplikta som system.
– Sjøforsvaret beveger seg i retning av ein verva operativ struktur. Desse endringane skjer fordi dei nye systema på fartøya er avanserte, og ein trenger profesjonelt mannskap for å bruka dei, poengterte Finseth
Internasjonalt samarbeid
Finseth fortalde også om samarbeidet mellom sjøfartsnasjonar som Storbritannia og Nederland. Han meina at Noreg er ein attraktiv samarbeidspartnar på grunn av kompetansen innafor navigasjon, spesialoperasjonar i arktisk klima og miljø.
– Denne typen samarbeid opnar ofte nye kanalar, bidrar til at vi som liten nasjon får tilgang på materiell og informasjon vi elles bare kunne drøyma om. Slik tillitt kjem ikkje gratis og tek år å opparbeide, understreka ein engasjert Finseth.
Heile foredraget til generalinspektør Jan Eirik Finseth finn du i venstre marg.
|
|
