Den sosiale konstruksjon av barnekroppen. Forestillingar og praksisar omkring idrett blant barn og unge i Norge gjennom førre hundre år (PhD)
Involverte ansatteOskar Solenes
Prosjektet er finansiert av Noregs forskingsråd.
Prosjektleiar og vegledar: Prof. Matti Goksøyr, Norges idrettshøgskole.
BeskrivelseI løpet av dei siste åra har det stadig vorte større og større fokus på barn og deira fysisk aktivitet, eller mangel på fysisk aktivitet. Vi blir gjennom massemedia stadig presentert for ny viten omkring inaktive barn, tjukkare barn, barn med dårlege sjølvbilete, meir klumsete barn og liknande. Gjennom dette prosjektet vil eg freiste å kaste nytt lys over idretten sin sosiokulturelle tyding. Ved å analysere diskursar omkring barn og unge, kjønn, disiplinering, kultivering og fysisk aktivitet ynskjer eg å avdekkje korleis forestillingar om barn og deira kroppar blir sosialt konstruert og rekonstruert.
Formulert i to problemstillingar vil prosjektet diskutere følgjande spørsmål:
1. Korleis har barne- og ungdomsidretten utvikla seg i Noreg gjennom førre hundreår?
2. Korleis har diskursar vore med på å konstruere og rekonstruere viten om barnekroppen i førre hundreår?
Prosjektet er i stor grad inspirert av Michel Foucault sine banebrytande arbeid for å avdekkje korleis ulike diskursar inngjekk i og var del av ulike maktstrukturar i t.d. fengsla, på galehusa og knytt til seksualitet. Diskurs kan, for å forenkle det ein smule, bli forstått som eit sett av utsegn og praksisar som gjennom å innskrive seg i institusjonar framstår som verkelege i ein gitt sosial kontekst.
Kjeldene til prosjektet vil vere arkivmateriale frå ulike arkiv både i det offentlege og det private. Eg vil også ta i bruk gamle lærebøker, instruksjonsbøker, ulike fagtidsskrift (som t.d. innan idrett, pedagogikk, psykologi, medisin) for å avdekkje dei regulerande mekanismane, diskursane. Gjennom å samanstille desse kjeldene er det mogleg å analysere diskursane og korleis barn og deira kroppar blir opplevd og forstått.