Diehtojuohkinčoahkkimat davviriikkalaš sámekonvenšuvnna birra

Norgga ja davviriikkalaš sámepolitihkas leat olahan juoidá erenoamáža go davviriikkalaš sámekonvenšuvdnaárvalus dál lea gárvánan ja lea seamma áigge gulaskuddamis Norggas, Suomas ja Ruoŧas, dadjá bargo- ja searvadahttinministtar Bjarne Håkon Hanssen.

- Gulaskuddanáigge háliidat olbmuid oažžut beroštit dás ja oassálastit man nu láhkai, ja sávvatge bures boahtima gulaskuddanásahusaid ovddasteaddjiide ja eará berošteaddjiide ja guldaleaddjiide diehtojuohkinčoahkkimiidda, dadjá stáhtaráđđi.

Bargo- ja searvadahttindepartemeanta ja Sámediggi dollet diehtojuohkinčoahkkimiid sámekonvenšuvdnaárvalusa birra 6 iešguđet sámi guovllus miessemánus. Čoahkkimiidda sáhttet buohkat searvat.

Searválagaid Sámedikkiin sáddiimet davviriikkalaš sámekonvenšuvdnaárvalusa gulaskuddamii guovvamánus dán jagi sámi organisašuvnnaide, ásahusaide, gielddaide, fylkagielddaide. Gulaskuddanáigi nohká geassemánu 12. b. dán jagi. Maiddái Suomas ja Ruoŧas leat doppe ovddasvástideaddji departemeanttat sádden konvenšuvnna gulaskuddamii.

Diehtojuohkinčoahkkimiid almmuhit ja lágidit Gáivuona 02.05.06 , Guovdageainnu 03.05.06, Deanu 04.05.06, Aarborte 08.05.06, Snoase 11.05.06 ja Skániid sámi ásahusat 12.05.06.

Eambbo dieđut