Norsk engasjement i Europa utanom EU

Nato

Gjennom Nato har Noreg forplikta seg til å delta i forsvaret av alle alliansepartnarar som måtte bli utsette for væpna angrep og til å medverka på andre måtar til medlemslandas kollektive tryggleik.

OSSE

Gjennom Organisasjonen for tryggleik og samarbeid i Europa (OSSE) medverkar Noreg til tidleg varsling, konfliktførebygging, krisehandtering og atterreising etter konfliktar, hovudsakleg i Søraust- og Aust-Europa, Kaukasus og Sentral-Asia.

Fred, forsoning og demokratibygging

Noreg engasjerer seg sterkt for fred, forsoning og demokratibygging i det vestlege Balkan. Frå statsbudsjettet for 2005 er det avsett 750 mill. kroner til dette formål.

Tilsvarande er det avsett 271 mill. kroner i 2005 til tiltak for fred, forsoning og demokratibygging i Moldova, Kaukasus og Sentral-Asia;

Norge deltar ved sekondering av personell i EU-ledete operasjoner på Vest-Balkan, herunder European Union Monitoring Mission (EUMM), European Union Monitoring Mission (EUPM), Althea, og Proxima, samt med polititjenestemenn i OSSEs  misjoner i  Serbia og  i Makedonia.

(Sist oppdatert: oktober 2005)

Nordområdedialog

Dialogar med sentrale land som er opptekne av nordområda er i ferd med å bli eit viktig nytt element i norsk nordområdepolitikk. Dette gjeld ikkje minst EU sine institusjonar og medlemsland som Tyskland, Frankrike og Storbritannia. Utgangspunktet for dialogane er ei aukande interesse for utviklinga i nordområda. Det heng i første rekkje saman med den rolle nordområda vil ha for energiforsyninga.

Barentssamarbeidet

Noreg medverkar gjennom det regionale samarbeidet i Barents- og Austersjøregionen til å integrere Russland i europeiske samarbeidsstrukturar. Barentssamarbeidet vil derfor framleis være eit sentralt virkemiddel i norsk nordområdepolitikk og eit viktig forum for norsk-russisk samarbeid.

Gjennom prosjektsamarbeid med Russland legg ein hovudvekta på økonomisk samarbeid, miljø, energi og transportspørsmål, utdanning, på grensenært samarbeid, helse, ungdom, kultur, urfolkssamarbeid og kompetansebygging i forvaltning og næringsliv. Også samarbeid innafor justissektoren og redningstenester står sentral.

Samarbeid med Nordvest-Russland

Noreg hjelper Russland i arbeidet med å løyse atomutfordringane i nord. Sidan 1995 er det løyvd vel 1 milliard kroner til tiltak under Handlingsplanen for atomtryggleik i Nordvest-Russland. Målsettinga med handlingsplanen er å verne helse, miljø og næringsverksemd mot radioaktiv forureining og å medverke til å sikre radioaktivt materiale slik at det ikkje kjem på avvegar.

Noreg medverkar også til G8-samarbeidets globale partnarskap mot spreiing av masseøydeleggingsvåpen og – materiale og til miljøfondet til EUs nordlige dimensjon. (Sist oppdatert: oktober 2005)

Europarådet

I Europarådet legg Noreg særleg vekt på effektivisering av Den europeiske menneskerettsdomstolen, fremme av menneskerettane, rettsstaten og demokratiet og på konfliktførebygging.

Det nordiske samarbeidet og Austersjørådet

Gjennom det nordiske samarbeidet og samarbeid i Austersjørådet medverkar Noreg aktivt til et tett regionalt samarbeid på ei rekke konkrete område, som miljø, barn og unge, matvaretryggleik, energi, sysselsetting, forbrukarvern, kriminalitetsførebygging, herunder tiltak mot menneskehandel.

Tiltak mot spreiing av smittsame sjukdomar som hiv/aids og tuberkulose vart sett i gang i Austersjørådet under norsk leiing i 2000. Dette arbeidet vert vidareført i 2004 og utvikla under Partnarskapen for helse og livskvalitet under EUs nordlige dimensjon.