Oahpahusprográmma Nordlándda áŋggirdeddjiide ja bargguid jođiheddjiide

Gielda- ja guovludepartemeanta lohpida Mearrasámi Studerensearvái doarjjan 250 000 ruvnno Nordlándda ovdaprošektii ”Plussa Smávvaservodagaide”. Prošeavtta ulbmilin lea oaččuhit báikkálaš ressursaolbmuid ráhkadit positiivvalaš ovdáneami iežaset giliin.

Čoahkkin Sámedikkiin hálddašanođastusa birra

Gielda- ja guovloministtar Åslaug Haga deaivvada maŋebárgga cuoŋománu 4. b. Sámedikki áirasiiguin gullat sin oainnuid hálddašanođastusbarggu birra.

Gielda- ja guovlodepartemeanta

Gielda- ja guovlodepartemeanta (GGD) ceggejuvvui 1948. Álggus lei departemeanttas ovddasvástádus gažaldagain, mat guske baromárkanii ja gielddalaš ekonomiijai ja stivremii. Departemeanta lea das rájes go álggahuvvui ja dađistaga go servodat lea gárgeduvvan, ožžon eatnat ođđa bargoduovdagiid.

Dál lea departemeanttas ovddasvástádus gažaldagain, mat gustojit ásodatpolitihkkii, regionála- ja guovllupolitihkkii, báikkálašhálddaheapmái ja válggaid čađaheapmái. Departemeantta bargodahkamušat molsašuvvet politihkalaš prioriteremiid ja áigeguovdilis servodatčuolmmaid ja hástalusaid mielde.

Stáhtaráđđi ja golbma stáhtačálli leat Gielda- ja guovlodepartemeantta politihkalaš jođihangoddi. Lassin lea stáhtaráđis politihkalaš ráđđeaddi.

Departemeantaráđis lea bajimus bissovaš ámmátvirgi departemeanttas. Departemeantaráđđi helpe ja rávve stáhtaráđi, ja bálddalastá departemeantta barggu. Departemeanttas lea dieđihanovttadat, mii galgá čuvgehit vuoigatvuođain, evttohusain ja mearrádusain, mat gullet departemeantta vuollái. Gielda- ja guovlodepartemeanttas leat sullii 190 virgehasa. Departemeanta doaibmá bargogoddin stáhtaráđđai, juos oanehaččat galgá muitalit.

Departemeanttas leat dál guhtta ossodaga: Ásodat- ja huksenossodat, Regionálapolitihkalaš ossodat, Gieldaossodat, Plána- ja hálddahusossodat.