Boazodoalloguoskevaš dutkamiid SARVVIS-fierpmádat
SARVVIS-fierpmádaga bokte mii guovdilastit: a) sirkumpolára guovlluid guohtunekologiija ja ekovuogádagaid rievdadusat, b) kultuvrralaš eanadagat, árbevirolaš máhttu ja kosmologiija ja c) sosiála, politihkalaš, rievttalaš ja organisašuvnnalaš dilálašvuođat mat leat čadnon boazodollui ja dan hálddašeapmái. Fierpmádaga prošeavttat galget čalmmustahttit sirkumpolára guovlluid boazodoalloálbmogiid čuolmmaid ja hástalusaid, muhto erenoamáš deaddu galgá leat sámi dilálašvuođain. Dutkan lea fágaidgaskasaš ja geavaha sihke luonddudiehtagiid, servodatdiehtagiid ja humaniora teoriijaid, doahpagiid ja metodaid. Sámi dutkamiid guovddáš lea dán dutkama oktiiheivehan- ja guosseásahus..