Sámi boazodoalu doabaáddejumi ”workshop”
Lágideaddji
Sámi dutkamiid guovddáža SARVVIS-prográmma, ovttasráđiid Romssa Fylkkamánniin
Áigi ja báiki
Vuossárgga geassemánu 10. b. 2002, 1015-1600, Hiet, Romssa universitehta (váldovisti)
Ulbmil
Seminára ulbmil lea ahtanuššat sámi boazodoalu terminologiija áddejumi dakko bokte ahte:
1. Čilget man láhkai boazodoalu terminologiija lea juhkkojuvvon objeavtta doaimma ektui, ovdamearkka dihtii man láhkai iešguđet bohcco ahke- ja doaibmajoavkkut leat juhkkojuvvon.
2. Čájehastit oassáeválddiide iešguđet bohcco oasi ja boazodoalloservodaga sámi tearpmaid.
Ulbmiljoavku
Dutkit, studeanttat ja hálddašeaddjit geain lea boazodoallu bargoguovlun. Biologalaš/hálddáhuslaš oaidninsadji šaddá deattuhuvvot, muhto addo maid vejolašvuohta geahččat eará oaidninsajis humaniora ja servodatfága siskkobealde.
Dutkit
Boazotaksonomiija: Nils Isak Eira, Boazodoallodoalli ”Fossbakken” Lulli-Romssas
Boazoguohtun/muohta: Dutki Mikkel Nils Sara, Sámi allaskuvla, Guovdageaidnu
Siidahálddašeapmi/vierut: Dutki Nils Oskal, Sámi Instituhtta
Bohcco ja bohcco eallima sámi ja ekologalaš doahpagat: Nicholas Tyler, Romssa universitehta dutki
Duogáš/čoahkkáigeassu
Boazodoallu lea dehálaš oassi sámi kultuvrras, ja mearkkašahtti stuorra Norgga eanadaga oassái. Boazodoalloguoskávaš čuolmmat dagahit čoahkkananbáikin árbevirolaš ja akademalaš oahpu gaskka, ja dáid berre geahččat sihke biologalaš, humanisttalaš ja servodatdiehtaga áddejumi bealis. Lonohallat boazodoalu oahpu ja áddejumi lea máŋgga oktavuođas árrojuvvon go doabaáddejupmi váilu. Sihke dutkamis, hálddašeamis ja boazodoalus leat gielat mat leat ovdánan erenoamášvuođaideaset ektui. Buoret áddejupmi maid iešguđet sámi boazodoallodoahpagat mearkkašit lea mearkkašahtti jos áigu oažžut buoret gova mo boazodoallu doaimmahuvvo, ja sáhttá maid dagahit synergiijabeaktilvuođa sihke doalliid, dutkiid ja hálddašeaddjiid bealis. Dát ”workshop” lea vuosttáš geahččaleapmi fállat oahpásmuvvat muhtin sámi boazodoalu doahpaga sisdollui. ”Workshop” ii leat oaivvilduvvon leat sámegielkursan. Ovttaskaš oasseváldi oažžu liikká vejolašvuođa oahppat muhtin áigeguovdilis doahpaga, dakko bokte ahte juhkkojuvvojit listtut sániiguin ja dajaldagaiguin ”workshop” álggus.
Fáttát
Seminárat juhkkojuvvojit čuovvovaš fáttáide, logaldallamiiguin ja čuovvovaš divaštallamiiguin:
Boazotaksonomiija
Dán oasi sisdoallu lea mo ja manne ovttaskasdoahapagat geavahuvvojit ealu oktagasaid birra dahje oktagasa joavkkuid birra. Makkár árvu ja doaibma lea daid ovttaskaš joavkkuin ealus? Mo livččii iešguđet joavkku ealu čohkkehus?
Boazoguohtun/muohta
Mo juhkkojuvvojit šattodagat iešguđet guohtumiin? Makkár guohtumis lea árvu guđe áigodagas? Mo váikkuhuvvojit dálveguohtumat muohtaga ektui? Makkár guohtunšlájat leat buoremus láidomis?
Siidahálddašeapmi/vierut
Árbevirolaš sámi siidahálddašeapmi ja boazodoalloservodat.
Riggodatjuohku ja hálddašeapmi. Man láhkai rievdá doallohápmi biraseavttuid rievdamiid mielde?
Buohtastahttit sámi ja ekologalaš bohcco ja bohcco eallima doahpagiid
Kártet doabageavaheami erohusa mahtodaga. Čuvget ovttaláganvuođaid ja erohusaid gaskal sámi oahpu bohcco birra ovtta bealis ja luonddudieđalaš čilgehusa daid seamma elliid birra. Mo boazodoalloeaiggádat sátnádit čilgehusaideaset fenomenaid birra masa maiddái dutkit ja hálddahusat beroštit.
Hálddahus
Lea oaivvilduvvon ahte ”workshop” bistá olles bargobeaivvi. Idjademiid ferte juohke oasseváldi ordnet ieš. Lágideaddji ii govčča mátke- ja idjadangoluid.
Sátnelistu
Boazoguohtun/muohta - sáme-dáru sátnelistu
Muhtin boazodoallosámi doahpagat
