Kodeoversikta skal dekkje alle typar ytingar frå arbeidsgivar og oppdragsgivar til arbeidstakar og oppdragstakar. Ho er sett opp på grunnlag av eksisterande regelverk for oppgåveplikt. Skattedirektoratet utarbeider eventuelle nye kodar ved regelendringar.
For arbeidsgivarar og oppdragsgivarar som sender lønns- og trekkoppgåver på maskinlesbart medium, er det viktig å vere klar over at det også blir utarbeidd ei ny utgåve (9. utgåve) av Lønnsinnberetning på maskinlesbart medium (Rettledning for arbeidsgivers utfylling og innlevering av maskinlesbare lønns- og trekkoppgaver). Denne gjeld òg frå og med inntektsåret 2005 og blir ferdigstilt hausten 2005. Rettleiinga blir lagd ut på Internett, eller kan bestillast gjennom skatteoppkrevjaren.
Tillegg 1 til 9. utgåve gjeld frå og med inntektsåret 2006 og inntil ny oversikt er fastsett.