Dr. Tone Bleie, Forskingsdirektør på Christian Michelsens Institutt, Bergen starta opp som Førsteamanuensis II/Professor II på KVINNFORSK 15.september. Det er ei stor hending for oss at vi endeleg har fått knytt ein fagperson til verksemda vår! 

Tone Bleie skal bidra med sin kompetanse til:
- doktorgrads- og forskarkurs/seminarar
- kvalitetssikring av søknadar
Det er og aktuelt med rettleiing av studenter på hovudfags- og doktorgradsnivå. 

BIOGRAFISK NOTE

Tone Bleie har ca. 20 års røynsle frå kjønnsrelatert forskning, utgreiing og bistandsarbeid.   Ho tok magistergraden  i sosialantropologi ved Universitert i Bergen i 1985 og har  Dr. Philos. grad frå same institusjonen.  Ho har dei siste åra vore forskningsleiar ved Chr.Michelsen Institutt.  Bleie har hatt og har i tillegg ulike verv i
internasjonale nettverk og organisasjonar.  For tida er ho leiar i den Nordiske Foreininga for Sørasia Forskarar (NASA) og ho sit i styret for det Internasjonal Centre for Integrated Mountain Development (ICIMOD).

På 1980-talet arbeidde Bleie mykje med majoritets-minorietsrelasjonar mellom bengalarar og stammefolk i Bangladesh.  Ho var særleg oppteken av korleis kjønn vart gjort relevant for å definere etniske relasjonar, og aukande kønnsdifferensieringa i ein periode med rask sosiodemografisk og økonomisk endring.  I perioden 1984-86 engasjerte Bleie seg i den aukande feministiske kritikken av det nyliberale utviklingsparadigme. Ho var med og grunnla det globale nettverket Development Alternatives for Women for A New Era (DAWN) og ho byrja å jobbe med kjønnsorientert planleggjingsmetododikk etter et opphald i 1986 ved The Gender Cluster, ved Institute for Development Studies (Sussex Universitet). Seint op 1980-talet og tidleg på 1990-talet gjorde Bleie ei omfattande historisk og etnograkisk studie av endra ekteskapsmønster hjå muslimar, lågkaste hinduar og stammefolk i
Bangladesh.  Dette arbeidet vart noko seinare forsvart for dr.graden. Som nestleiar i Redd Barna Sørasia tidleg på 1990-talet arbeide Bleie for å styrkje integreringa av både kvinner og barn sine menneske rettar. Tilbake i Norge veksla Bleie i nokon år mellom å leie eit større miljøfokuserte forskningsprosjekt i Nepal og praktiske rådgjevingsarbeid for kvinne, barne og (etnisk) minoritetsretta NGOar i sør asia regionen.

Dei seinaste åra har Bleie si forskningsverksemd veksla mellom to svært ulike felt; etnohistoriske perspektiv på nasjonsbygging i Nepal og nydarwinistiske teoribyggjing på høvet mellom evolusjon, sex og kognitive kjønnsskildnadar.  P.t arbeider Bleie mellom anna med ein kritikk av filosofen Martha Nussbaum si kapasitetstilnærming (som ei operasjonell tilnærming til kvinner sine menneskerettar).

e-mail: tone.bleie@cmi.no
Telephone (direct line): +47 55 57 43 78