| |
Komiteen viser til
B.innst.S.nr.I
(1994-1995), pkt. 4.2.14.
Til 1:
Trygdeavgift
Fleirtalet i komiteen, alle unnateke
medlemmene frå Senterpartiet, sluttar seg til forslaget frå Regjeringa.
Komitémedlemmene frå Senterpartiet tek
opp følgjande forslag:
« For året 1995 skal folketrygdavgiftene svarast etter følgjande satsar:
| 1. | Trygdeavgift |
| a) | Av pensjon, kår og livrente, og av lønsinntekt og anna personinntekt for skattytar under 17 år og over 69 år, som nemnd i folketrygdlova § 16-2 andre ledd bokstav a: 3,0 % |
| b) | Av lønsinntekt og anna personinntekt som nemnd i folketrygdlova § 16-2 andre ledd bokstav b: 8,5 % |
| c) | Av næringsinntekt og anna personinntekt som nemnd i folketrygdlova § 16- 2 andre ledd bokstav c: 11,4 % |
Avgift av næringsinntekt (anna ervervsinntekt) i jord- og skogbruk over 8,5 % av inntekta skal dekkast med tilskot knytt til jordbruksoppgjeret.
Næringsinntektene er i denne
samanhengen inntekt som nemnd i føresegner givne av Finansdepartementet 5.
oktober 1970 om levering av årsoppgåve og om avgiftsfrie uttak i jordbruk
med attåtnæringar og skogbruk. »
Til 2:
Arbeidsgivaravgift
Fleirtalet i komiteen, alle unnateke
medlemmen frå Venstre og representanten Stephen Bråthen, sluttar seg til
forslaget frå Regjeringa til generelle satsar for arbeidsgivaravgift.
Komitémedlemmene frå Senterpartiet tek
opp følgjande forslag:
« Arbeidsgivaravgiften for ungdom under
25 år reduseres med 2 prosentpoeng i sonene I-IV. »
Komitémedlemmene frå Sosialistisk
Venstreparti tek opp følgjande forslag:
« Arbeidsgiveravgiften for ungdom under
25 år reduseres med 3 prosentpoeng fra 1. august 1995. »
Komitémedlemmene frå Kristeleg
Folkeparti tek opp følgjande forslag:
« Arbeidsgiveravgiften for ungdom under
25 år blir å redusere med 3 prosentpoeng fra 1. mai 1995. »
Komitémedlemmen frå Venstre tek opp
følgjande forslag:
« Til 2.
Arbeidsgivaravgift bokstav b
Når arbeidstakaren i 1995 er
skattepliktig som nemnd i a første ledd til ein kommune i Troms fylke som
ikkje er blant dei nemnde i a første ledd, eller til ein kommune i Nordland
fylke, eller til kommunane Flatanger, Fosnes, Grong, Høylandet, Leka,
Lierne, Namsos, Namdalseid, Namsskogan, Nærøy, Overhalla, Røyrvik og Vikna i
Nord-Trøndelag fylke (sone IV): 4 % »
Denne medlemmen tek opp følgjande
forslag:
« Til 2.
Arbeidsgivaravgift bokstav c
Når arbeidstakaren i 1995 er
skattepliktig som nemnd i a første ledd til ein kommune som går inn under §
1 nr. 2 i forskrifter om avgrensing av det geografiske verkeområdet for dei
distriktspolitiske verkemidla, fastsett ved kgl. res. av 23. oktober 1992,
med unntak av kommune som nemnd under a og b ovanfor (sone III): 5 % »
Denne medlemmen tek opp følgjande
forslag:
« Til 2.
Arbeidsgivaravgift bokstav d
Når arbeidstakaren i 1995 er
skattepliktig som nemnd i a første ledd til ein kommune som er peika ut av
Kommunaldepartementet i særskilt vedtak eller som går inn under § 1 nr. 3 i
kgl. res. av 23. oktober 1992 (sone II): 8,5 % »
Denne medlemmen tek opp følgjande
forslag:
« Til 2.
Arbeidsgivaravgift bokstav e
Elles (sone I) skal satsen vera 10 %.
Denne satsen skal leggjast til grunn for arbeidsgivaravgift fastsett i
kongeleg resolusjon med heimel nedanfor i II, og arbeidsgivaravgift for
statsforvaltninga etter reglane i folketrygdlova § 17-4 tredje ledd. »
Komitémedlemen, representanten Stephen
Bråthen, tek opp følgjande forslag til nr. 2 e) i vedtak om
arbeidsgivaravgift:
« e) Elles (sone I) skal satsen vera
12,3 % »
Denne medlemmen vil subsidiært stemme
for forslaget frå Venstre og mot forslaga frå Senterpartiet, Sosialistisk
Venstreparti, Kristeleg Folkeparti og innstillinga.
Til 3
Tilskot frå kommunane og fylkeskommunane som nemnd i folketrygdlova § 16-4 første ledd
Komiteen sluttar seg til forslaget frå
Regjeringa.
Til II:
Komiteen sluttar seg til forslaget frå Regjeringa.