B.innst.S.nr.13 Tl.04 (2002-2003)

B.innst.S.nr.13 Tl.04 (2002-2003)
Innstilling frå samferdselskomiteen om BaneTele AS

Komiteen har elles ingen merknader, viser til kap. 4.2 i proposisjonen og rår Stortinget til å gjere slike

vedtak:

I.

Stortinget samtykker i at:

1.	Uavhengig av eigarskapet til BaneTele AS, skal eigarskapet til Jernbaneverkets infrastruktur for telekommunikasjon verte verande i Jernbaneverket.

2.	Kongen får fullmakt til å forlenge løpetida for statslånet til BaneTele AS til og med 30. juni 2003.

3.	Kongen får fullmakt til å gjere om statslånet til ansvarleg lån.

4.	Kongen får fullmakt til å avgjere kven som skal vere generalforsamling i BaneTele AS.

5.	BaneTele AS skal ikkje selgjast no. Dersom det er aktuelt med nye industrielle løysingar, er det ein føresetnad at dette skal leggjast fram for Stortinget som eiga sak.

II.

Stortinget samtykker i at:

1.	Inntil eit GSM-R-nett langs jernbanestrekningane er operativt, vert det føresett at Regjeringa og Jernbaneverket syter for å betra tryggleiken slik at Jernbanetilsynet sine krav vert oppfylte innan dei gitte tidsfristane.

2.	Stortinget føreset at Regjeringa sikrar at den kompetansen som er naudsynt for å sikra optimal framdrift av utbygginga, og som er utvikla i BaneTele AS sin prosjektorganisasjon, vert vidareført så lenge det er naudsynt.

3.	Utbygging, drifts- og serviceavtalen mellom Jernbaneverket og utbyggjar må vere så langsiktig at det gjer det mogleg å lånefinansiere utbygginga av GSM-R.

4.	Det er ein føresetnad at eit GSM-R-nett langs jernbanestrekningane i Noreg skal vera operativt innan 1. januar 2005 for dei banestrekningar som i dag ikkje har togradiosystem.

5.	For strekninga Bodø-Rognan vert det føresett at Regjeringa og Jernbaneverket syter for å betra tryggleiken slik at Jernbanetilsynet sine krav vert oppfylte innan dei gitte tidsfristane.

Oslo, i samferdselskomiteen, den 5. desember 2002

Petter Løvik
leder

Bjørgulv Froyn
ordfører

Geir-Ketil Hansen
sekretær

Sist oppdatert 7. nov 2005 av Stortingets administrasjon