Innst.O.nr.59 (1994-1995)
Innstilling fra familie-, kultur- og administrasjonskomiteen om lov om endringar i lov av 9. juni 1978 nr. 45 om likestilling mellom kjønna

4. ØKONOMISKE OG ADMINISTRATIVE FØLGJER

       Departementet trur ikkje endringa i § 3 vil få direkte økonomiske eller administrative følgjer. Men når det gjeld lovfesting av provpliktsreglar er det vanskeleg å seia kva følgjer det kan få. Det kan hende at Likestillingsombodet og/eller Klagenemnda vil få ei større arbeidsmengd. Samstundes vil Likestillingsombodet få innsparingar ved at dei ikkje lenger skal handheva § 21 andsynes kommunane og fylkeskommunane, og det kan vega opp meirarbeidet med provpliktsreglane.

       I samband med omlegginga av statistikkføringa på § 21 kan det vera mogleg å få til innsparingar.