Innst.O.nr.66 (2001-2002)
Innstilling frå samferdselskomiteen om lov om yrkestransport med motorvogn og fartøy (yrkestransportlova)

9. Ikraftsetjing

9.1 Samandrag

       Før yrkestransportlova kan setjast i kraft, vil det måtte utarbeidast forskrifter til lova.

       Endringslova til samferdselslova 4. juli 1991 nr. 52 som m.a. inneheld nærare føresegner om innløysingsrett ved bruk av anbod, held fram å gjelde til den vert oppheva ved ikraftsetjinga av den nye yrkestransportlova. Innløysingsretten i overgangslova fell bort 15. april 2002. Heimel til å ta att løyve før løyvetida er ute i samband med bruk av anbod er gitt i denne overgangslova og ikkje i samferdselslova, og vil verte avløyst av yrkestransportlova § 27 andre ledd.

9.2 Merknader frå komiteen

       Komiteen har ingen merknader.