| |
Komiteen, medlemene frå
Arbeidarpartiet, Sigrun Eng, Bjørgulv Froyn, Oddbjørg Ausdal Starrfelt og
Tor-Arne Strøm, frå Høgre, Anne Berit Andersen, Sverre J Hoddevik, Hans
Gjeisar Kjæstad og leiaren Petter Løvik, frå Framstegspartiet, Morten Ørsal
Johansen og Kenneth Svendsen, frå Sosialistisk Venstreparti, Geir-Ketil
Hansen og Heidi Sørensen, frå Kristeleg Folkeparti, Odd Holten og Jan Sahl,
og frå Senterpartiet, Jorunn Ringstad, er innforstått med at det i
Ot.prp.nr.41
(2002-2003) blir foreslått endringar i postlova som i hovudsak er ei
oppfølging av forslag sett fram i
St.prp. nr. 46 (2002-2003) for å gjennomføre Europaparlaments- og
rådsdirektiv
2002/39/EF , om ytterlegare opning for konkurranse på marknaden for
posttenester i Fellesskapet. Komiteen vil difor vise til merknader i
innstilling frå komiteen i samband med behandling av
St.prp. nr. 46 (2002-2003).
Fleirtalet i komiteen, medlemene frå Høgre, Framstegspartiet og Kristeleg Folkeparti, viser til spørsmål frå samferdslekomiteen til Samferdsledepartementet, og svar datert 24. april 2004 om grunngjevinga om å ta inn vektgrense for første vektklasse i den nasjonale lovgivinga. Fleirtalet ser det som avgjerande at området for første vektklasse (20 gram) går fram av postregelverket anten på lov- eller forskriftsnivå, og ikkje varierer ut frå Posten eigne forretningsmessige vurderingar til kvar tid.
Fleirtalet er samde med departementet
i at å ta vektgrense for første vektklasse inn i lov, vil gi eit meir
brukarvennlig og sjølvforklarande lovverk også for brukarar utan postfagleg
bakgrunn, som ikkje utan vidare vil kunne forstå kva omgrepet « første
vektklasse » inneber. Ei slik fastsetjing i lov vil heller ikkje innebere nye
plikter for Posten i høve til i dag.
Medlemene i komiteen frå Arbeidarpartiet, Sosialistisk Venstreparti og Senterpartiet viser til spørsmål frå samferdselskomiteen til Samferdselsdepartementet, og svar datert 24. april 2003, om grunngjeving for å ta inn vektgrense for første vektklasse (20 g) i postlova. Her går det fram at direktivet som skal innlemmast ikkje gjer det nødvendig å ta inn første vektklasse i nasjonal lovgiving. Innføring av første vektklasse (20 g) for det nasjonale postselskapet vil i ein eventuell fullstendig deregulert marknad vere konkurransesvekkande i høve til andre postdistributørar som ikkje må ta stilling til denne vektgrensa (klassen). Desse medlemene finn av den grunn ikkje grunn til å ta dette inn i lovverket nå.
Det går også fram at fleire land har
andre grenser for første vektklasse for standardbrev, til dømes har Posten
Finland og Posten Danmark 50 gram som første vektklasse. Desse medlemene
meiner difor at vektgrense for første vektklasse (20 g) ikkje skal vere med
i lovteksten.
Medlemene i komiteen frå
Arbeidarpartiet syner til merknader i
Innst.S.nr.218
(2002-2003), jf
St.prp. nr. 46 (2002-2003), om ytterlegare opning for konkurranse på
marknaden for posttenester i Fellesskapet. Desse medlemene vil som
konsekvens av dette stemme i mot § 6, 2. avsnitt 2. punktum. Desse
medlemene vil kome tilbake til dette etter ei evaluering av direktivet
seinast 31. desember 2004.
Medlemene i komiteen frå Sosialistisk Venstreparti og Senterpartiet viser elles til merknader i Innst.S.nr.218 (2002-2003), jf St.prp. nr. 46 (2002-2003), og vil stemme imot forslaget til endringar i postlova.