| |
Komiteen viser til proposisjonen og
til det som står foran, og rår Odelstinget til å gjøre slikt
Kongen kan fastsetje at staten skal tilby varetransportforsikring mot krig, krigsfare eller ekstraordinære kriseforhold i Noreg eller utlandet (« varekrigsforsikring ») for så vidt det får følgjer for norske interesser og slike omstende kan hindre forsyning og varetransport dersom det private forsikringstilbodet opphøyrer, kan kome til å opphøyre eller ikkje dekkjer ein slik situasjon.
Kongen kan avslutte tilbodet om statleg varekrigsforsikring dersom dei vilkår som er fastlagde i første ledd ikkje lenger er til stades.
Staten kan tilby varetransportforsikring ved krig, krigsfare eller ekstraordinære kriseforhold av:
| 1. | varer som blir sende til, frå eller innafor norsk område, og når det er norske interesser som blir dekte, også av varer som blir sende mellom stader i utlandet. |
| 2. | norske reiarar og tidsbefraktarar si frakt på reisebasis, befraktingskommisjon og havaripengar i risiko for norske forsikringstakarar. |
Kongen eller den han gir mynde kan fastsetje at også andre interesser kan bli dekte.
Ved iverksetjing av statleg varekrigsforsikring som fastlagt i § 1 kan Kongen bestemme at det blir oppretta eit styre med leiar og så mange medlemmer som departementet fastset. Styret skal ha ansvaret for den daglege leiinga og drifta av varekrigsforsikringsordninga. Det skal òg vere eit eige sekretariat.
Kongen kan gi nærare forskrifter om gjennomføring av denne lova.
Lov av 3. desember 1948 nr. 8 om Statens varekrigsforsikring vert oppheva.
Forsikringsavtaler som er inngått
etter
lov av 3. desember 1948 nr. 8 om Statens varekrigsforsikring gjeld
inntil dei blir terminerte og plikter etter forsikringsavtalene er gjort
opp.
I lov av 17. juli 1953 nr. 2 om erstatning for krigsskade på eigedom og interesser vert 36 andre ledd nr. 4 oppheva.
Lova tek til å gjelde frå den tid
Kongen fastset.
| Oslo, i finanskomiteen,
den 30. oktober 2003 |
| Siv Jensen leder |
Morten Lund ordfører |