| |
Til saman vart det rekneskapsførd utgifter for om lag 3 mrd. kroner i 1992 til tiltak for innvandrarar.
Tabellen nedanfor viser fordelinga på
dei einskilde departementa, og utviklinga dei tre siste åra:
| 1990 | 1991 | 1992 | |
| Arbeids- og administrasjonsdepartementet | 246 | 244 | 274 |
| Sosialdepartementet | 802 | 373 | 2 |
| Kyrkje-, utdannings- og forskingsdepartementet | 474 | 498 | 507 |
| Justisdepartementet | 93 | 101 | 110 |
| Barne- og familiedepartementet | 32 | 70 | |
| Kommunaldepartementet | 1.259 | 1.731 | 2.044 |
| Sum | 2.874 | 2.979 | 3.007 |
Tiltak for asylsøkjarar og flyktningar står for størsteparten av utgiftene som vart rekneskapsførte i statsrekneskapen for 1992 under dette området.
Som tabellen ovanfor viser, har utgiftene knytta til tiltak for innvandrarar - i første rekkje flyktningar - vore relativt stabile dei siste åra. Frå 1990 til 1991 auka utgiftene med 3,7 %, medan rekneskapstala viser ein auke på 0,9 % frå 1991 til 1992.
Frå 1991 til 1992 auka den delen av utgiftene som vart førte over Kommunaldepartementet sitt budsjett med om lag 310 mill. kroner eller rundt 18 %. Dette skuldast mellom anna at utgiftene til drift av mottaksapparatet for asylsøkjarar og flyktningar auka med nærare 30 % som følgje av den auka tilstrøyminga av asylsøkjarar til Noreg i 1992 og mottaket av krigsflyktningar frå Bosnia i andre halvår.