Innst.S.nr.144 (1994-1995)
Innstilling frå kyrkje-, utdannings- og forskingskomiteen om framlegg frå stortingsrepresentantane Øystein Djupedal og Børre Rønningen om utanlandsstudentar frå utviklingsland og Aust-Europa.

KOMITEENS TILRÅDING

       Komiteen viser til merknadene og rår Stortinget til å gjere slikt

       Stortinget ber Regjeringa fylgje opp at også profesjonsutdanning kjem inn under kvoteprogrammet og at det blir etablert ei ordning med utdanningsstøtte til innføringskurs i norsk.

       Stortinget ber Regjeringa auke kvota for studentar frå austeuropeiske land til 300.

       Regjeringa blir oppmoda om å utarbeide regelverk og etablere ei ordning slik at u-landstudentar kan fullføre sine studier utan å kome i konflikt med reglane for opphaldsløyve.

       Regjeringa blir oppmoda til å vurdere tilbod om reisestipend i og etter studietida for at utanlandsstudentar lettare skal kunne halde kontakt med heimlandet og vende tilbake etter avslutta studier.