Innst.S.nr.60 (1995-1996)
Innstilling frå kyrkje-, utdannings- og forskingskomiteen om endringar på statsbudsjettet for 1995 under kapittel administrert av Kyrkje-, utdannings- og forskingsdepartementet.

2. ENDRINGAR I INNTEKTSKAPITTEL

       Under departementet sitt inntektskapittel 3200 bortfell gebyrinntektene på 0,4 mill. kroner. Desse har samband med sal av eigedomar under Opplysningsvesenets fond, og denne oppgåva er overført til Statskog SF.

       Under kap. 3232 har Noregs brannskole hatt redusert sal av kurs, og inntektsløyvinga under post 01 er redusert med 1,4 mill. kroner.

       Universitetet i Tromsø sine inntekter under kap. 3263 ved sal av bustad er omtala ovanfor.

       Komiteen sluttar seg til proposisjonen.