Innst.S.nr.91 (1996-1997)
Innstilling frå kyrkje-, utdannings- og forskingskomiteen om folkehøgskolen og utdanningssamfunnet.

4. KOMITEEN SI TILRÅDING

       Komiteen viser til det som står over, og rår Stortinget til å gjere slikt

       Stortinget ber Regjeringa vidareføre dagens ordning for folkehøgskolen med ei minimumsgrense for tilskott på 35 elevar i gjennomsnitt dei fire siste åra.

       Stortinget ber Regjeringa oppretthalde ekstravekting av kortkurs for folkehøgskolen etter noverande ordning.

       Med verknad frå skoleåret 1997-98 skal 35 %-regelen m.o.t. skolane sine eigne lærerkrefter på kortkurs gjelde som snitt på årsbasis og lærarar ved andre nordiske folkehøgskolar bli godkjende på lik line med eigne lærarar.

       Med verknad frå og med skoleåret 1997-98 skal elevar som gjennomfører eit folkehøgskoleår på 33 veker, få utteljing i form av tre konkurransepoeng ved opptak til høgre utdanning i tillegg til alderspoeng, under føresetnad av skoledokumentasjon og registrert elevframmøte på 90 %.

       Med verknad frå og med skoleåret 1997-98 skal elevar som vel å ta folkehøgskolen som siste året i eit fireårig løp, ha rett til å utvida minstestipend til dei er 20 år.

       Stortinget ber Regjeringa oppretthalde og vidareføre driftstilskottet i samsvar med § 17 i lov om folkehøgskolar.

       Stortinget ber Regjeringa gjere ein gjennomgang og ei vurdering av bruk av poeng for andre utdanningstilbod m.v. enn folkehøgskolane ved opptak til høgre utdanning. Dette vert å leggje fram som sak for Stortinget.

       St.meld. nr. 51 (1995-1996) - om folkehøgskolen og utdanningssamfunnet - vert lagd ved møteboka.

---

Sist oppdatert 8. nov 2005 av Stortingets administrasjon