| |
Til Stortinget.
Departementet gjer framlegg om ei tilleggsløyving på 20 mill. kroner over statsbudsjettet for 1998. Bakgrunnen er at kontingenten for Noreg si deltaking i den internasjonale samarbeidsorganisasjonen CERN (European Organization for Nuclear Research) er blitt dyrare enn rekna med. Kronekursen har gått ned. Samstundes har norsk BNP, som er hovudelementet i utrekningsgrunnlaget, styrkt seg monaleg i utrekningsperioden i høve til dei andre medlemslanda. Det som står att av kontingenten til CERN skulle vore utbetalt i juli 1998.
Departementet sitt framlegg til løyving under kap. 288 post 72 er rekna ut frå valutakurs pr. 15. oktober 1998.