| |
Komiteen, medlemene frå Arbeidarpartiet, Aud Blattmann, Gard Folkvord, Gunn Karin Gjul, Bent Hegna, Torny Pedersen og leiaren Jens Stoltenberg, frå Framstegspartiet, Øyvind Korsberg og Øyvind Vaksdal, frå Kristeleg Folkeparti, Bror Yngve Rahm og Lars Rise, frå Høgre, Jan Johnsen og Jan Tore Sanner, frå Senterpartiet, John Dale, frå Sosialistisk Venstreparti, Hallgeir H Langeland, og frå Venstre, Gunnar Kvassheim, syner til vedlagt brev av 11. mars 1999 frå Miljøverndepartementet, der det mellom anna blir peika på at oteren framleis er fråverande eller sterkt desimert i delar av landet. Dette talar for at oteren bør vera registrert på lista over truga artar. Til grunn for ei slik vurdering ligg naturfaglege vurderingar og internasjonalt fastsette kriterium. Komiteen er merksam på at oteren i visse tilfelle kan gjera skade, men meiner, i tråd med det synet Direktoratet for naturforvaltning har, at det ekisterande høvet til å fella skadedyr er tilstrekkeleg for å bøta av for skadeomfang og konfliktar.