| |
I proposisjonen blir det gjort framlegg om å endre løyvingane på ulike postar under Utanriksdepartementets budsjett. For programområde 02 Utanriksforvaltning blir det gjort framlegg om endringar i løyvingane knytta til offisielle statsbesøk og kontingentar til internasjonale organisasjonar, i alt 42,2 mill. kroner i tilleggsløyvingar.
Innanfor utviklingshjelpa under programområde 03 blir det gjort framlegg om omfordelingar på 120,9 mill. kroner. Endringsforslaga innanfor utviklingshjelpa blir fremma for å få til mest mogeleg effektiv bruk av midlane i budsjettåret, og for å støtte viktige humanitære tiltak. Det er blitt ledige midlar til omfordeling på grunn av at ODA-godkjente utgifter til flyktninger i Noreg i år blir mindre enn rekna med, jf òg omtale i St.prp. nr. 5 (2000-2001) frå Utanriksdepartementet, St.prp. nr. 27 (2000-2001) frå Kommunal- og regionaldepartementet og St.prp. nr. 15 (2000-2001) frå Kyrkje-, utdannings- og forskingsdepartementet.