| |
Komiteen, medlemene frå Arbeidarpartiet, Erling Brandsnes, Gunnar Breimo, Mimmi Bæivi, Karin Kjølmoen, Kjell Opseth og Rita Tveiten, frå Kristeleg Folkeparti, Randi Karlstrøm og Jon Lilletun, frå Høgre, Ansgar Gabrielsen og Ivar Kristiansen, frå Framstegspartiet, Øystein Hedstrøm, frå Senterpartiet, leiaren Morten Lund, frå Venstre, Leif Helge Kongshaug, og representanten Terje Knudsen, syner til svarbrev frå nærings- og handelsminister Grete Knudsen, dagsett 8. mai 2001, der det vert gjort greie for at arbeidet med å utarbeida tiltak som sikrar likeverd for dei norske ferjereiarlaga samanlikna med tilsvarande reiarlag i dei andre nordiske landa er i rute, og at det vil koma framlegg om tiltak i budsjettet for 2002. Brevet er lagt ved innstillinga.
Komiteen syner også til at tilskotsordninga til sysselsetting av sjøfolk med gjeldande innretning og støttesats skal vidareførast for 2001 inntil ei vurdering av ordninga, og her medrekna avgrensinga av fartøygrupper, er gjort. Komiteen syner i denne samanhengen til handsaminga av Revidert nasjonalbudsjett for 2001.
Komiteen er kjend med at reiarlagsnæringa er positiv til signala frå Regjeringa i samband med denne saka.
Komiteen rår til at Dok.nr.8:98 (2000-2001) vert lagt ved møteboka.