| |
Komiteen, medlemene frå Arbeidarpartiet, Ragnar Bøe Elgsaas, Sigrun Eng, Jan Petter Rasmussen og Tor-Arne Strøm, frå Høyre, Anne Berit Andersen, Brit I.H Andreassen, Sverre J Hoddevik og leiaren Petter Løvik, frå Framstegspartiet, Thore Aksel Nistad og Kenneth Svendsen, frå Sosialistisk Venstreparti, Geir-Ketil Hansen og Heidi Sørensen, frå Kristeleg Folkeparti, Odd Holten og Jan Sahl og frå Senterpartiet, Jorunn Ringstad, viser til vedlagde fråsegn av 8. november 2002 frå Samferdselsdepartementet i saka.
Komiteen viser til at Stortinget 7. mai 2002 gjorde vedtak om at
| « Stortinget ber Regjeringen fremme en egen sak om utbygging av bredbandsnett i områder av landet der markedet i seg selv ikke er sterkt nok til å sikre utbygging. » |
Komiteen viser til at Regjeringa har gitt Stortinget tilbakemelding om at det vil bli lagt fram ei eiga melding om breiband for Stortinget hausten 2003. Dette går òg fram av brev frå departementet av 8. november 2002.
Komiteen har merka seg at Regjeringa i brevet til komiteen, viser til at det i denne meldinga vil bli gitt ei brei omtale av breibandutfordringane, m.a. ulike kommunikasjonskanalar for digitale tenester, og at det også vil bli teke omsyn til problemstillingane som er omtala i Dok.nr.8:151 (2001-2002).
Komiteen viser til vedtaket av 7. mai 2002. Komiteen ventar at eiga sak om utbygging av breibandnett kjem tilbake til Stortinget snarast og då med konkrete forslag om tiltak.