| |
Det blir i dokumentet fremja følgjande
forslag:
« Stortinget ber Regjeringa føreta ein
gjennomgang av aktuelt lovverk for å sikre ein betre praksis enn i dag på
rusfeltet når det gjeld forholdet mellom personvern, taushetsplikt og
varslingsplikt. »
Som bakgrunn for forslaget peiker forslagsstillarane på at både lærarar, helsepersonell, politi og andre som arbeider mellom ungdom, ofte står overfor vanskelege avveigingar i forholdet mellom personvern, taushetsplikt og varslingsplikt. Det blir òg peika på at foreldre som gjerne vil bli trekt inn, opplever at taushetsplikta hindrar utveksling av informasjon. Forslagsstillarane meiner det er behov for ein gjennomgang av aktuelt lovverk og ei vurdering av følgjene av ei eventuell oppmjuking av dette. Vidare meiner forslagsstillarane at skilnaden i handtering av einskildsaker der personen det gjeld, er under eller over 18 år, må klargjerast.