Innst.S.nr.68 (2004-2005)
Innstilling frå samferdselskomiteen om endringar av løyvingar i 2004 på Fiskeri- og kystdepartementet sitt område

Samandrag

Kap. 1062 Kystverket

Post 21 Spesielle driftutgifter

       Fiskeri- og kystdepartementet foreslår å auke kap. 1062 Kystverket post 21 Spesielle driftsutgifter med til saman 21,2 mill. kroner i 2004 knytt til meirkostnader til Rocknes-aksjonen (17,0 mill. kroner) og aksjonen knytt til Gudrun Gisladottir (4,2 mill. kroner).

       Begge aksjonane vil bli evaluerte. Fiskeri- og kystdepartementet vil i samarbeid med Kystverket sørgje for at erfaringane frå aksjonane blir følgd opp på ein formålstenleg måte.

Kap. 4062 Kystverket

Post 1 Gebyrinntekter

       Fiskeri- og kystdepartementet foreslår å auke kap. 4062 Kystverket post 1 Gebyrinntekter med 9,3 mill. kroner i 2004 som følgje av kompensasjon for lønnsoppgjeret for 2004 på gebyrfinansierte tenester.