Innst.S.nr.233 (2005-2006)
Innstilling fra arbeids- og sosialkomiteen om trygdeoppgjeret 2006

Sammendrag

       Det blir i proposisjonen fremja forslag om å regulere grunnbeløpet (G) i folketrygda og å auke løyvingar på statsbudsjettet for 2006 som følgje av reguleringa.

       Det blir gjort greie for for drøftingane mellom staten og tidlegare Norsk Pensjonistforbund, Funksjonshemmedes Fellesorganisasjon og Landsorganisasjonen i Norge, Samarbeidsforumet av funksjonshemmedes organisasjoner, Unio, Yrkesorganisasjonenes Sentralforbund og Akademikerne. Regjeringa og organisasjonane blei samde om å auke grunnbeløpet med kr 2.193 frå 1. mai 2006.

       Det blir uttala at staten i drøftingane har teke utgangspunkt i retningslinjene for trygdeoppgjeret som Stortinget vedtok 28. mai 2003, jf. Innst.S.nr.223 (2002-2003).

       Organisasjonane fremja et krav om oppregulering av grunnbeløpet med kr 2.418 fra 1. mai 2006 til kr 63.117 som innebar ei lønnsvekst for pensjonistane på ca 3,75 prosent. Statens tilbod på ein auke på kr 2.193 til kr 62.892 fra 1. mai 2006 innabar ei årslønsvekst for pensjonistar på 3,5 prosent.

       Regjeringa og organisasjonane blei samde om å auke grunnbeløpet i folketrygda med kr 2.193 til kr 62.892 frå 1. mai 2006. Det gjennomsnittlege grunnbeløpet aukar då med 3,5 prosent frå 2005 til 2006.

       Etter framlegget aukar pensjonane til einslege minstepensjonistar med kr 3.936 pr. år til kr 112.788 pr. år. For ektepar og sambuande der begge er minstepensjonistar aukar pensjonen med kr 7.200 pr. år til kr 206.712 pr. år.

       Meirutgiftene ved framlegget vert på om lag 3.890 mill. kroner. I tillegg kjem auka utgifter til statspensjonane, jf. St.prp. nr. 69 (2005-2006).

       Tabellen nedanfor viser utviklinga av minstepensjonane og pensjonane for unge uføre frå 1. januar 1990 etter forslaget til pensjonsregulering.

Utviklinga av minstepensjonane og pensjonane for unge uføre i perioden 01.01.1990 - 30.04.2007. Kroner.

Kilde: Rikstrygdeverket.

       Pensjonane aukar til vanleg tilsvarande veksten i grunnbeløpet. Likevel auka pensjonane for ektepar og sambuande sterkare enn grunnbeløpet i åra 2003-2005. Grunnen er at grunnpensjonen for ektepar og sambuande auka frå 0,75 G til 0,8 G frå 1. mai 2003, til 0,825 G frå 1. mai 2004 og til 0,85 G frå 1. mai 2005.

       Grunnbeløpet og pensjonane for dei einslege minstepensjonistane auka med 3,3 prosent frå 2004 til 2005. For ektepar og sambuande med minstepensjon var auken 4,9 prosent frå 2004 til 2005. Lønsveksten for lønstakarar i alt var 3 prosent frå 2004 til 2005.

       Det blir i proposisjonen gjort greie for dei særlege skattereglane for pensjonistar som i 2006 i hovudsak er ei vidareføring av skattereglane frå 1992.

       Reguleringa har òg konsekvenser for krigspensjoneringa, og for 2006 blir det rekna med meirutgifter på 6 mill. kroner til krigspensjoneringa for militærpersonar og 14 mill. kroner til krigspensjoneringa for heimestyrkepersonell og sivilpersonar. Krigspensjonane blir samordna med pensjonar frå folketrygda. Det blir gjort framlegg om å auke løyvinga under kap. 660 Krigspensjonering med 20 mill. kroner for 2006.

       På bakgrunn av at avtalefesta pensjon og pensjonstrygda for sjømenn skal regulerast i høve til ytingane frå folketrygda, blir det gjort framlegg om at statstilskottet til avtalefesta pensjon (kap. 666 post 70) aukar med 19 mill. kroner, og at løyvingane til pensjonstrygda for sjømenn (kap. 664 post 70) aukar med 28 mill. kroner.

       Komiteen har mottatt brev fra departementet vedrørende rettelser i proposisjonen. Rettelsene gjelder endringer i vedtaksdelen under kap. 2652 post 70. Brevet ligger vedlagt innstillingen.