| |
I samsvar med § 75 bokstav i i Grunnlova, legg departementet fram for Stortinget ei liste over dei pensjonane som gjeld mellombels, og som ikkje blei reviderte av det førre Stortinget.
Heile summen av pensjonar som blei utbetalt i 2006, var på kr 24.571.822. Det er løyvd kr 20.900.000 på kap. 1541 post 1 Pensjonar frå statskassa, på statsbudsjettet for 2007.
For enkjer/enkjemenn gjeld pensjonen så lenge dei er ugifte.
Departementet gjer i proposisjonen særskilt greie for saka til Bjørnar Arne Karlsen, som har bede om at saka vert lagt fram for Stortinget til endeleg avgjerd.
Fornyings- og administrasjonsdepartementet tilrår at ein ikkje gjev pensjon frå statskassa til Bjørnar Arne Karlsen.