Jørgen Holte (Sp) (ordførar for saka):

       Kredittmeldinga for 1996 omhandlar regelverksutvikling og forvaltningssaker på finansmarknadsområdet, oversyn over verksemda til Noregs Bank og Kredittilsynet, orientering om samarbeidet mellom Kredittilsynet og Noregs Bank, verksemda i Statens Banksikringsfond og Statens Bankinvesteringsfond og dessutan verksemda til Folketrygdfondet. Meldinga gjer i hovudsak greie for utviklinga i 1996 innanfor bank, forsikring, finansieringsføretak, verdipapirhandel og strukturen på finansmarknaden.

       Kredittmeldinga for 1996 er elles noko endra i høve til tidlegare utgåver, idet omtalen av administrative forhold knytte til statsbankane, gjeldsforvaltninga, Verdipapirsentralen og Oslo Børs er sløyfa.

       Meldinga gir ei god og tilfredsstillande oversikt og omtale av dei ulike områda meldinga omhandlar. Det er derfor ein samrøystes komite som tar det som står i meldinga for 1996, til orientering, og har elles ingen merknader til den omtalen som er gitt under dei ulike kapitla.

Presidenten: Fleire har ikkje bede om ordet til sak nr. 6.

       (Votering, sjå side 1993)