TALERE:
Tore Nordtun (A) : Debattene i disse sakene har vi jo hatt, så for Arbeiderpartiets del vil jeg nå bare oppta våre forslag og de forslagene der vi står sammen med andre - så det er herved gjort.
Presidenten: Tore Nordtun har teke opp dei forslaga han gjorde greie for. Gjermund Hagesæter (FrP) :
Framstegspartiet er oppteke av effektivisering, forenkling og
avbyråkratisering. Derfor har vi i vårt primære budsjettforslag gått inn
for ein rammesum for ramme 22 som er 199 mill. kr lågare enn den vedtatte
rammesummen. Vi trur nemleg at det er behov og moglegheit for å setje i
verk effektiviseringstiltak innanfor finansadministrasjonen.
Toll- og avgiftsetaten og skatteetaten
har dei siste fire åra fått auka sine netto driftsutgifter med ca 28 %. Vi
har derfor gjort eit beskjedent kutt på ca 5 % på driftsutgiftene på desse
nemnde etatane.
Sidan vårt primære forslag heller
ikkje denne gongen har fått fleirtal, vil vi likevel innanfor den vedtatte
ramma slutte oss til regjeringspartia sitt forslag.
Framstegspartiet har heile tida vore
imot det nasjonale registeret for fritids- og småbåtar. Vi meiner at dette
er eit unødvendig register som med fordel kan avviklast, noko vi også legg
fram forslag om.
Når det gjeld provenyet som blei
frigjort ved at Oslo Børs blei omdanna til aksjeselskap og seld, synest vi
det er positivt at ein del av dette provenyet blir brukt til å opprette eit
finansmarknadsfond. Vi meiner likevel at ikkje berre 90 mill. kr, men heile
provenyet bør bli sett av til eit slikt fond. Dette bør skje seinast ved
revidert nasjonalbudsjett. Grunngivinga for dette er todelt. Vi trur
nemleg at fondet må opp på ein slik storleik for å kunne oppfylle sitt
formål på ein tilfredsstillande måte. Vi synest også det er urimeleg at
staten direkte skal profittere på salet av Oslo Børs. Vi er derfor av den
klare oppfatning at heile provenyet frå salet av Oslo Børs bør gå uavkorta
inn i eit finansmarknadsfond.
På bakgrunn av denne gjennomgangen vil
Framstegspartiet gjenta forslaga i innstillinga frå finanskomiteen.
[Neste innlegg av Gjermund Hagesæter]
Presidenten: Presidenten oppfattar det sånn at Gjermund Hagesæter har teke
opp forslaga frå Framstegspartiet. Gjermund Hagesæter (FrP) : Ja.
Heidi Grande Røys (SV) : Eg skal berre få lov å ta opp forslaga frå SV i
innstillinga.
Presidenten: Heidi Grande Røys har teke opp dei forslaga ho gjorde greie
for. Morten Lund (Sp) : Jeg vil ta opp de
forslag Senterpartiet har, alene eller sammen med andre, i innstillingen.
Presidenten: Morten Lund har teke opp dei forslag han gjorde greie for. Jan Tore Sanner (H) : Jeg vil tillate
meg å gjøre det samme. På vegne av samarbeidspartiene tar jeg opp våre
forslag, og anbefaler den delen av innstillingen som vi står bak.
Presidenten: Jan Tore Sanner har teke opp dei forslaga han gjorde greie for.
Presidenten trur då at alle forslaga
er opptekne.
Fleire har ikkje bede om ordet til sak
nr. 6.
(Votering, sjå side 1145)