Johanne Melkevoll
johmel19@hotmail.com
Gir politikarane skulda
– At studentene svindlar så mykje, er eit varsko
til norske politikarar om kor ille det står til med
studentane sin økonomi, meiner Odd Steinar Parr, siviløkonom
NHH og journalist i Din Økonomi.
Lånekassa sine interne undersøkingar har avslørt
at studentane svindlar for millionar på millionar kvart
år.
– Ein må klare seg med lite som student. Men det
tyder ikkje at ein skal snylte. Treng du meir pengar, bør
du heller jobbe, sjølv om det går ut over både
studieprogresjon og stipendkroner, meiner Parr.
– Kva konsekvensar får ein om ein vert oppdaga
som snyltar på systemet?
– I verste fall avslag på seinare søknadar
om støtte, og kanskje til og med politimelding. Studentane
skyt seg sjølv i foten ved å lure til seg midlar
dei ikkje har rett på. Totaltilbudet frå Lånekassen
vert dårligare av slikt. Det går ut over alle,
også dei som ikkje svindlar, seier han.
Gi til dei fattige
– Det blir på landsbasis delt ut omkring 40
millionar kroner til studentar som søker om stipend
og lån utan at dei har rett til det, seier direktør
i Lånekassen si avdeling i Hordaland, Jonny Saltnes.
Snylting på ressursar gjer at det blir vanskeleg å
forbetre tilbodet. Dette går utover kvar einskild student.
– Eg spør meg sjølv om kva samfunn vi eigentleg
vil ha. Desse pengane som går til dei som ikkje har
rett til støtte, kunne vore fordelt til dei som verkeleg
treng det, seier han fortvila.
Meir kontroll
Ifølge Saltnes kan studentjukset føre til
meir kontroll av søkarane, og dette vil føre
til lengre saksbehandling. Det er det vel ingen som er tent
med.
– Lånekassen og studentane har eit gjensidig ansvar
for at tilbodet skal bli best mogeleg, seier han.
Johanne Melkevoll
johmel19@hotmail.com
