Kor bør ein bu?

– Det var ein som sa at einaste forskjellen på Fantoft og eit fengsel, er at her kan du sparke opp dørene, gliser Fantoftbuar Rune Myhre.

TRIVES, MEN. Bill Cunningham fra Boston trivest på Fantoft. – Men det er vanskelig å bli kjent med nordmenn her, seier han. Alle foto: ÅSTA YTRE

Det vert stadig snakka om kor vanskeleg det er å skaffe seg ein plass å bu, og ikkje minst kor dyrt det er overalt. Studentsamskipnaden (SiB) i Bergen er til god hjelp for mange som vil finne seg tak over hovudet.
Neste onsdag startar hovudopptaket på SiB sine studenthyblar til etter jul. Søk no, så er sjansane for å havne i kummerlige forhold mindre.
Men korleis ser det ut rundt omkring på desse hyblane og leiligheitene?

FANTOFT. Flest muleg studentar stabla på færrast muleg kvadratmeter. Nedanfrå og opp: Christian Talgo, Lessia Dupent, Gianguido Calanducci, Rune Myhre og Bill Cunningham

Hybelkaninar
– Det er ganske sterilt her, seier Rune Myhre og snur seg rundt i
leiligheten på Fantoft.
Her er kvite murvegger, dører som minner om badstudører, pult og sofa i ubehandla tre, og eit bittelite fuktig bad. Dette kostar han 2.220 kroner i måneden, men da har han soverom i tillegg.
Hyblar får du frå 1.500 kroner månaden. I tillegg må ein rekne med 600 kroner for månadskort med buss til sentrum.
– Husleiga skal visst gå opp etter jul, sukkar Rune.
Forfallen 70-talsstil vitnar om at vedlikehald ikkje er overprioritert. I dei klamme gangane er takventilane fulle av hybelkaninar.
Men det er lett å få plass på Fantoft, og du er sikra nye venner i eit internasjonalt miljø.

Vaktmeister
I Fosswickelsgate ved Realfagbygget er det ein litt eldre stil, men velholdt og stort. Det minste rommet kostar 1.750 kroner, og er større enn romma på Fantoft.
– Eg har budd her i fleire år og kjem til å forsette med det, fortel Thomas Oppedal.
Thomas har eit stort, lyst rom, og alle praktiske ting vert ordna av ein velvilleg vaktmeister.

Nyoppussa
Innover mot sentrum ligg Hans Holmboesgate. SiB har eit hus også her. Anders Gullestad er ei heldig sjel som har fått seg husrom.
– Vi er fire som deler kjøkken og bad, fortel Anders. Han sit i ein kvitt, nyoppussa hybel.
Kjøkenet er nytt. Det heile er lyst og nytt, og Anders er svært fornøgd. Dette betalar han 2.225 kroner for, altså 25 kroner meir enn bussbrukarane på Fantoft.
Herifrå kan du hinke til sentrum, og stupe kråke til SV-fakultetet