HELD PÅ MAKTA
Foto: andreas Hillesøy / andreas.hillesoy@fi.uib.no
|
Dei vitskapleg tilsette vil ikkje gje frå seg makta i
Det Akademiske Kollegium (DAK). Stortinget har bestemt at det
skal inn fleire representantar utanifrå, men Universitetet
vil likevel halda fram som før.
Studentpolitikarane er svært skuffa over vedtaket som
blei gjort på torsdag.
- Eksterne representantar vil ha med seg fleire impulsar utanifrå.
På sikt vil dette bety mykje for undervisinga. Det er
DAK som sit på pengesekken, og som kan setja i gang nye
undervisningsformer, seier Gunnveig Grødeland.
Slik det er no har dei vitskapleg tilsette fleirtal i DAK, som
er Universitetet sitt høgste organ.
Prorektor Sigmund Grønmo (biletet) ønskjer å
halda på denne ordninga.
- Det er viktig å ha folk i DAK som har god kontakt med
fagmiljøa, seier han.
