Botanisk hage i Bergen |
|||||
 |
Den gamle botaniske hagen (Muséhagen) i Bergen med sine 10 mål var etter kvart vorten ganske trongbudd og hadde trong for utviding. Det var ikkje lett på Nygårdshøyden. Løysinga blei at Universitetet i Bergen (UiB) bygde ny botanisk hage på ein del av området Arboretet disponerer. Området vest for Mildevegen/Skipanesvegen, ca. 70 mål, vart sett av til dette formålet. Sidan Arboretet tek seg av alle lignosane, vedplantane, skal den botaniske hagen i første rekkje ta seg av urter. Vinteren 1989/-90 starta grunnarbeidet, og då UiB feira sitt 50-årsjubileum og Arboretet sitt 25-årsjubileum i 21. august 1996, var det klart for innviing. Då var utstillingshagen på Solåkeren klar, og den første utstillinga av sommarblomstrar stod på sitt vakraste. Nokre murar var reiste, og porten til ”bakdøra” var på plass. I tillegg var der opparbeidd ein parkeringsplass og planta litt rundt denne. Dei følgjande åra har Botanisk hage på Milde breidd seg vidare utover disponibelt område, så mykje som menneskelege og økonomiske ressursar har gjeve rom for. Solåkeren har fått ei peonutstilling, der er eit felt med sommar- og haustblomstrande knollar, ei samling kultivarar av slekter i kaprifolfamilien og oljetrefamilien, og der er sortar av narsissar. Dessutan viser utstillingshagen kvart år utplantingsplantar om sommaren. Ein mosehage vart innvigd i 1999, ein fjellhage i 2001, og ein vasshage i 2005. I 2007 vart det sett ned eit tuntre ved hovudinngangen som ei start på temahagane som skal kome det. Nytteveksthagen i området over fjellhagen vert stadig utvida. Førebels er det gjort mest arbeid i sør mot Mildevatnet, men det er også skjedd ein del ved hovudinngangen på nordsida, her viser vi t.d. tulipankultivarar... |
|
B. Moe
Startside
