|
|
|
 |
|
27.1.2003
Fleire protesterer mot dyre tidsskrift
- Forskarane må sjølve vera bevisste på at eigen institusjon bruker enorme beløp på å kjøpa tilbake tilgang til publikasjonane deira, seier bibliotekdirektør Kari Garnes ved Universitetsbiblioteket (UB). Det er no ei gryande protestbølge inernasjonalt mot denne utviklinga.
Av Kristin Hjertaker
I fjor bruke UB 16,3 millionar kroner på tidsskrift. Både ved UB og andre fagbibliotek har ein i fleire år vore opptekne av det paradoksale i at forskarane sitt behov for å publisera i prestisjetidsskrifta med høgast vitskapleg slagkraft ("impact factor") er med på å driva ei stadig stigande kostnadsspiral for tidsskrift.
- Fordi prisen stig så mykje, blir talet på tidsskrift me har råd til å ha heile tida redusert, seier Garnes.
I 2001 sa UB opp 16 titlar til ein verdi av til saman 300 000 kroner, medan biblioteket i fjor kutta over 100 titlar til ein verdi av 451 000 kroner. No er det fleire initiativ for å gjera noko med problemet.
Garnes opplyser at UB Bergen står mellom anna som medlem i SPARC Europe, ein allianse av europeiske fag- og forskingsbibliotek som støttar og arbeider for auka konkurranse innan vitskapleg publisering. Det finst også fleire universitet som har starta opp ei eiga publiseringsteneste som motvekt til "impact factor" i den vitskaplege publikasjonsverksemda.
Fleire aviser og nettstaden forskning.no har i det siste skrive om den veksande motstanden mot dei kostnadsdrivande tidsskrifta. Sjå lenker til aktuelle artiklar nedanfor.
|
|
|
|
Skriv ut artikkelen
Kommentar til redaksjonen
Tips en bekjent om denne saken
