Mål og innhald

Læringsmål
Emnet tek sikte på å gje: 1) Ei allmenn innføring i utviklinga av jordbruk og jordbruksøkonomi, og 2) ei innføring i tidleg metallbruk, i utvikling av hierarkiske samfunn, og i materielle uttrykk som kan knytast til ideologien i slike samfunn.

Fagleg innhald
Emnet tek opp framveksten av jordbruk i Midt-Austen, følgjer utbreiing og transformasjonar via Søraust-Europa til Norden, vidare til Nord-Afrika, Nildalen og austover til det indiske subkontinent. Dei ulike typar jordbruksøkonomi blir omhandla, til liks med den sosiale og kulturelle organisasjonen hos dei første jordbrukarane. Emnet omfattar også jordbruksutviklinga i tida seinare, med framvekst av meir spesialiserte økonomiar der metall og kopar kjem i bruk. Eit tema for seg er den måten ideologiar og hierarkiske samfunnsordningar blir uttrykte på mellom anna gjennom bergkunst.

Læringsutbyte/resultat

Ved fullført studium skal studenten ha oppnådd følgjande:

Kunnskap
Kunnskap om den overordna kulturutviklinga frå 12 000 -1000 f. Kr. innan eit større regionalt perspektiv; Midt-Austen, Europa, Nildalen og India. Kjennskap til materiell kultur i disse områda, innsikt i økonomiske, sosiale og religiøse endringar og forståing av de ulike teoriar omkring oppkomst og spreiing av jordbruk.

Ferdigheitar
Evne til å vurdere materiell kultur og å sette seg inn i varierte tekstar både på skandinaviske språk og engelsk, og i å kunne vurdere og analysere fagstoff, samt å kunne skrive resonnerande tekstar.

Generell kompetanse
Røynsle med å kunne planlegge og gjennomføre arbeidsoppgåver som strekkjer seg over tid, og å vurdere og samanfatte informasjon henta frå ulike kjelder og sett frå ulike synsstader.

Undervisningssemester

Haust.

Studienivå

Bachelornivå.

Institutt

Institutt for arkeologi, historie, kultur og religionsvitenskap.

Krav til studierett

Emnet er ope for studentar med studierett på UiB.

Krav til forkunnskapar

Ingen.

Tilrådde forkunnskapar

Gode kunnskapar i engelsk.

Undervisning og omfang

Normalt 12-15 førelesingar, samt eitt seminar.
Dersom ressursane tillèt det, vert det organisert kollokviegrupper.

Obligatoriske arbeidskrav

Obligatoriske aktivitetar knytt til emnet er materialkurs for yngre steinalder og eldre bronsealder. Det er òg eit obligatorisk arbeidskrav å levere inn ei øvingsoppgåve på 1500 ord på Kark. Det vert eit obligatorisk seminar, der studenten skal presentere si eiga oppgåve og kommentere andre sine oppgåver. Presentering og kommentering er obligatorisk.
Dei obligatoriske arbeidskrava er ein føresetnad for å kunne ta eksamen i emnet. Obligatoriske krav er gyldige i to semester etter det undervisningssemestret dei vart godkjende.

Vurderingsformer

Eksamen er ein 7-dagars heimeeksamen med eit omfang på 2500 ord. Heimeeksamen skal leverast inn via KARK. 

Karakterskala

Det vert nytta gradert karakterskala frå A til F, der F er ikkje bestått.

Læremiddelomtale

Instituttet utarbeider pensumlister, pensum er om lag 1200 sider.

Undervisningsstad

Institutt for arkeologi, historie og kultur- og religionsvitskap, Universitetet i Bergen.

Emneevaluering

Studentane vil med jamne mellomrom bli inviterte til å evaluera faget.