Mål og innhald

Målet er:

1. Å gje studentane ei innføring i vitskaplege tenke- og arbeidsmåtar og grunnlagsproblem innan medisinsk biologi.

2. Å gje studentane ei innføring i sentrale forskings- og vitskapsetiske spørsmål innan medisinsk-biologisk forsking, inkludert forholdet mellom medisinsk biologi, bioteknologi og samfunn.

3. Å utvikla studentane sine evner til kritisk lesing av vitskapelig originallitteratur.

4. Å gje ei innføring i HMS-aspekt knytta til eksperimentell forsking innan medisinsk biologi.

Emnet skal førebu studentane på overgangen frå lågaregradsstudier til eiga deltaking i forskingsverksemd på mastergradsstudiet. Dels skal dei ta del i kritisk lesing, presentasjon og diskusjon av vitskaplege originalartiklar, og dels får dei ei innføring i sentrale grunnlagsproblem innanfor medisinsk biologi, mellom anna reduksjonismeproblemet. Vidare inngår forskings- og vitskapsetikk, samt HMS-aspekt ved eksperimentell forsking. Det vert lagt vekt på aktiv deltaking, der både læring og evaluering vil skje mellom anna gjennom munnleg framlegging av litteratur og eiga semesteroppgåve, som kan velgjast fritt innanfor kurset sine sentrale mål, i samråd med faglærar.

Læringsutbyte/resultat

Etter fullført emne skal studenten kunne:

Kunnskapar

• Gjere greie for innhaldet i sentrale forskings- og vitskapsetiske prinsipp og retningslinjer.
• Gjere systematisk greie for nokre sentrale grunnlagsproblem innan medisinsk-biologisk forsking, mellom anna reduksjonismeproblemet.
• Gjere greie for sentrale etiske og samfunnsmessige aspekt ved medisinsk-biologisk forsking.

Ferdigheiter og generell kompetanse

• Gjere greie for og vurdere kritisk hovudinnhald og argumentasjon i forskingsartiklar innanfor eige fagfelt (i samsvar med tema for masteroppgåva), munnleg så vel som i skrift.
• Identifisere HMS-utfordringar i ein konkret arbeidssituasjon i laboratoriet eller med forskingsoppgåver.
• Identifisere etiske og samfunnsmessige aspekt i praktisk forskingsarbeid og konkrete forskingsprosjekt, og reflektere kritisk over disse aspekta munnleg og i skrift.

Undervisningssemester

Haust

Krav til studierett

Masterprogram i medisinsk biologi eller masterprogram i ernæring - Human ernæring.

Tilrådde forkunnskapar

Grunnleggjande biologikunnskapar samt vitskapsfilosofi tilsvarande examen philosophicum.

Fagleg overlapp

HUB310

Undervisning og omfang

Førelesingar, seminar og rettleiing av semesteroppgåve.

Obligatoriske arbeidskrav

Obligatorisk oppmøte til undervisinga.

Vurderingsformer

Semesteroppgåve og munnlege presentasjonar.

Karakterskala

Bestått/ikkje bestått

Emneevaluering

Skriftleg evaluering via Mi side.