Mål og innhald

Kurset vil omhandla teori, metodologi, eksperimentelle teknikkar og eksperimentell design i samanheng med utforskning av funksjonelle eigenskapar for spennings- og ligandstyrte ionekanalar. Kurset vil fokusere på ionekanalar i nerveceller, men dei eksperimentelle metodane vert i dag nytta på ei lang rekkje ulike celle- og vevstypar, inkl. permanente cellelinjer, akutt isolerte celler, in vitro vevsskiver og intakte organismar.

Tematisk oversikt:

• Ionekanalar og membraneksitabilitet
• Patch-clamp registrering
• Data-akvisisjon: maskinvare og programvare
• Data-analyse
• Eksperimentell design
• Praktiske laboratorieøvingar der studentane vil registrera aktiviteten i spenningsstyrte ionekanalar ved hjelp av patch-clamp registrering

Målet er å gje studenten eit teoretisk og praktisk grunnlag for å forstå og undersøkja funksjonelle aspekt ved ionekanalar og membraneksitabilitet.

Læringsutbyte/resultat

Etter fullført emne skal studenten kunne:

• Gjere greie for og drøfte grunnleggjande forhold knytta til cellemembranar sine elektriske eigenskapar.
• Gjere greie for hovudtrekka knytta til klassifisering av ligand- og spenningsstyrte ionekanalar.
• Gjere greie for grunnleggjande prinsipp for elektrofysiologisk registrering frå enkeltceller, med særskilt vekt på variantar av patch-clamp-teknikken og korleis den vert brukt på ulike typar av preparat
• Gjere greie for essensielle prinsipp med hensyn på funksjonsmåten til ein patch-clamp-forsterkar og korleis den kan verte brukt til "voltage-clamp"-registrering.
• Forklare og anvende elektrisk kretsanalyse av ein heilcelleregistrering ("whole-cell") og korleis denne kan verte brukt til å berekne funksjonelt viktige parameter.
• Forklare samansetning og bruk av hovudkomponentane i eit standard elektrofysiologisk forsøksoppsett basert på patch-clamp-teknikken.
• Forklare og anvende grunnleggjande prinsipp for analyse av elektrofysiologiske data.
• Analysere enkle typar av forsøksdata basert på voltage-clamp-registrering med patch-clamp-forsterkar.

Krav til forkunnskapar

Biologi, molekylærbiologi eller tilsvarande på bachelornivå, helst avslutta med grad.

Fagleg overlapp

HUB315

Undervisning og omfang

Førelesingar i smågrupper, praktiske demonstrasjonar og laboratorieøvingar, analyse av forsøksdata på PC.

Vurderingsformer

Kursjournal og heimeeksamen.

Karakterskala

A-F

Emneevaluering

Skriftleg evaluering via Mi side.