Mål og innhald

Formålet med kurset er å gi studentane ei generell innføring i bedriftsstrategi og konkurransepolitikk.

Kurset tar for seg strategisk tenking, nærare bestemt om korleis ei bedrift bør opptre i marknader der konkurrerande aktørar er gjensidig avhengige. Det handlar altså om spelet mellom bedrifter. Det vert gitt ei innføring i spelteori og forskjellige modellar for imperfekt konkurranse, og vi ser på kva for rolle konkurransepolitikken kan spele for å sikre samfunnsøkonomisk effektivitet i slike marknader. Sentrale tema som vert handsama i kurset er omgrepa marknadsmakt og samfunnsøkonomisk effektivitet, horisontale og vertikale fusjonar, teori for vertikale bindingar, og kva som er mogleg å få i stand for bedrifter når det gjeld kartell og/eller stilltiande prissamarbeid. Teorien er fyldig illustrert med døme og bruksområde.

Læringsutbyte/resultat

Etter å ha fullført emnet skal studentane kunne:

• Bruke grunnleggjande spelteori til å studere strategisk situasjonar.
• Bruke metodar for å analysere korleis ei bedrift bør opptre i marknader der konkurrerande aktørar er gjensidig avhengige.
• Bruke spelteori og modellar for imperfekt konkurranse til å finne optimale strategiar og likevekter i enkle dømer
• Drøfte korleis horisontale og vertikale fusjoner, samt vertikale bindingar vil påverke desse likevektene og berekne effekten på den samfunnsøkonomiske effektiviteten
• Gjere greie for korleis konkurransepolitikk kan bli brukt for å auke samfunnsøkonomisk overskudd

Undervisningssemester

Haust

Eksamenssemester

Haust/vår

Studienivå

Bachelor

Krav til forkunnskapar

Ingen

Undervisning og omfang

Førelesingar. Seminarundervisning.

Obligatoriske arbeidskrav

Godkjent innleveringsoppgåve.

Obligatorisk oppgåve og arbeidskrav er gyldig i inneverande og dei tre følgjande semestera.

Vurderingsformer

4 timar skriftleg eksamen.

Tillatne hjelpemiddel til eksamen:

Matematisk formelsamling av K Sydsæter, A. Strøm og P. Berck, formelsamling i matematikk av Utdanningsdirektoratet og kalkulator. Berre følgjande enkle, ikkje-programmerbare kalkulatorar utan grafisk display vert tillete brukt ved skriftlege prøvar:

Alle modellar av typane:

- Casio FX-82

- Hewlett-Packard HP30

- Texas instruments TI-30

Institutt for økonomi kan gjennomføre stikkprøvar av hjelpemidla i eksamenslokalet.

Karakterskala

Karakterskala A-F

Emneevaluering

Alle emner ved Institutt for økonomi vert evaluert kvart undervisningssemester.